सांगली : जिल्ह्यात जनगणना 2027 साठी प्रशासनाने तयारी सुरू केली असून आता 5 हजारांहून अधिक कर्मचारी घराघरात जाऊन माहिती गोळा करणार आहेत. यावेळी जनगणना पूर्णपणे डिजिटल पद्धतीने होणार असल्यामुळे नागरिकांनी योग्य माहिती देणे महत्त्वाचे ठरणार आहे.
या जनगणनेसाठी जिल्ह्यात सुमारे 5124 प्रगणक व पर्यवेक्षक नेमण्यात आले आहेत. हे कर्मचारी शहरी आणि ग्रामीण भागात प्रत्यक्ष भेट देऊन घरांची माहिती नोंदवतील.
जनगणना दोन टप्प्यांत होणार आहे. पहिल्या टप्प्यात 16 मे ते 14 जून 2026 दरम्यान घरगणना केली जाईल. या वेळी प्रगणक घरातील व्यक्तींना सुमारे 34 प्रश्न विचारून माहिती मोबाईल ॲपद्वारे अपलोड करतील.
यापूर्वी नागरिकांना 1 मे ते 15 मे 2026 या कालावधीत स्वतःची माहिती ऑनलाइन भरण्याची सुविधा उपलब्ध करून देण्यात येणार आहे. दुसऱ्या टप्प्यात फेब्रुवारी 2027 मध्ये प्रत्यक्ष जनगणना केली जाईल.
प्रशासनाकडून यासाठी प्रशिक्षणही पूर्ण करण्यात आले असून डिजिटल पद्धतीमुळे प्रक्रिया अधिक जलद आणि अचूक होणार आहे.
हेही वाचा: सांगलीत सुरक्षा वाढणार? पोलिसांसाठी कोट्यवधींची कामे मंजूर.
- सांगलीत पुढील 3 तासांत पावसाची शक्यता; नागरिकांना सतर्कतेचा इशारा
- सांगलीत जनगणना 2027 ची तयारी सुरू; 5 हजार कर्मचारी घराघरात जाऊन माहिती गोळा करणार
- सांगलीत सुरक्षा वाढणार? पोलिसांसाठी कोट्यवधींची कामे मंजूर
- सांगलीत मत्स्य व्यवसायासाठी मोठी योजना; मिळणार आर्थिक मदत, उत्पन्न वाढणार?
- Sangli Zp President: जिल्हा परिषदेवर महाविकास आघाडीचा झेंडा; संगीता पाटील अध्यक्ष तर ऋषिकेश लाड उपाध्यक्ष
- उमदी जवळ ओव्हरटेक करताना बुलेटची दुचाकीला धडक; दुचाकीस्वार गंभीर जखमी
