सांगली : प्रभाग क्रमांक 9 मधील पुण्यश्लोक अहिल्यादेवी होळकर चौक आता अधिक भव्य रूपात दिसणार आहे. महापालिकेतर्फे सुमारे दीड कोटी रुपयांच्या खर्चाने उभारण्यात आलेल्या अहिल्यादेवी होळकर यांच्या 21 फूट उंच अश्वारूढ पुतळ्याचे लोकार्पण 15 डिसेंबर रोजी मुख्यमंत्री देवेंद्र फडणवीस यांच्या हस्ते होणार असल्याची माहिती लोकार्पण समितीचे अध्यक्ष मनगू सरगर यांनी दिली.
मंगळवारी आयोजित समितीच्या बैठकीत कार्यक्रमाचे प्राथमिक नियोजन करण्यात आले. भाजप नेत्या जयश्री पाटील, माजी आमदार दिनकर पाटील, उपाध्यक्ष संतोष पाटील, रोहिणी पाटील, सचिव दत्तात्रय ठोंबरे यांच्यासह विविध पदाधिकारी व कार्यकर्त्यांची उपस्थिती होती.
देशातील असा एकमेव अश्वारूढ पुतळा
महापालिकेच्या माध्यमातून साकारलेला हा पुतळा देशातल्या अश्वारूढ स्वरूपातील अहिल्यादेवींचा एकमेव पुतळा असल्याचा दावा समितीने केला आहे.
उंची : 21 फूट
वजन : सुमारे चार टन
स्थापत्य खर्च : दीड कोटी रुपये
समिती–महापालिका समन्वय अंतिम तयारी
लोकार्पण सोहळा सर्वपक्षीय ठेवण्याचा निर्णय घेण्यात आला असून, पालकमंत्री चंद्रकांत पाटील तसेच जिल्ह्यातील सर्व आमदार–खासदार उपस्थित राहणार आहेत. समितीचे प्रतिनिधीमंडळ बुधवारी आयुक्त सत्यम गांधी यांच्यासोबत बैठक घेणार असून कार्यक्रमाच्या सर्व तयारीचा आढावा घेतला जाणार आहे.
हेही वाचा: स्वस्तात सोने देण्याचे आमिष; तरुणाची पावणेआठ लाखांची फसवणूक, पाच जणांवर गुन्हा दाखल.
