Sangli Today | जत : जत तालुक्यातील कृषी उत्पन्न बाजार समितीच्या जनावर बाजार आवारात आढळून आलेल्या युवकाच्या निर्घृण खुनाचा गुन्हा अखेर उघडकीस आला आहे. स्थानिक गुन्हे अन्वेषण शाखा, सांगली यांनी सीसीटीव्ही फुटेज, तांत्रिक पुरावे आणि गोपनीय माहितीच्या आधारे तपास करून या खुनामागील कारण स्पष्ट केले असून दोघा आरोपींना अटक करण्यात आली आहे.
मयत युवकाचे नाव विकास मलकारी टकले (वय २२, रा. उमदी, ता. जत) असे आहे. या प्रकरणी रविंद्र आबासाहेब बंडगर (वय ३०) आणि विराज संजय पांढरे (वय २०) यांना पोलिसांनी अटक केली आहे.
पोलिस तपासानुसार, दारू पिण्यासाठी पैसे देण्याच्या कारणावरून आरोपी आणि विकास टकले यांच्यात वाद झाला होता. याच वादातून दोघांनी विकासला जनावर बाजार परिसरात नेले. तेथे लाकडी दांडक्याने आणि दगडाने त्याच्यावर अमानुष मारहाण करण्यात आली, ज्यात त्याचा जागीच मृत्यू झाला. चौकशीत आरोपींनी खुनाची कबुली दिल्याची माहिती पोलिसांनी दिली आहे.
या गुन्ह्याचा छडा लावण्यासाठी घटनास्थळ परिसरातील सीसीटीव्ही फुटेज, मोबाइल तांत्रिक माहिती आणि मिळालेल्या गोपनीय माहितीस एकत्रितपणे तपासण्यात आले. त्यानंतर संशयितांवर लक्ष केंद्रीत करून त्यांना ताब्यात घेण्यात आले.
पोलीस अधीक्षक संदीप घुगे आणि अप्पर पोलीस अधीक्षक कल्पना बारवकर यांच्या मार्गदर्शनाखाली स्थानिक गुन्हे अन्वेषण शाखेच्या पथकाने ही कारवाई केली आहे. या प्रकरणाचा पुढील तपास जत पोलीस ठाणे करीत आहे.
हेही वाचा: डॉ. बाबासाहेब आंबेडकर उद्यानामागे अवैध गॅस रिफिलिंग अड्ड्यावर छापा; संशयित ताब्यात, मुद्देमाल जप्त.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
