सांगली : सांगलीतील पंचशीलनगर परिसरात निवडणूक प्रचाराच्या वादातून एका दाम्पत्याला बेदम मारहाण झाल्याची घटना घडली आहे. या प्रकरणी आनंदा वसंत लिगाडे यांनी संजयनगर पोलिस ठाण्यात तक्रार दाखल केली असून तिघांविरुद्ध गुन्हा नोंदवण्यात आला आहे.
पोलिसांकडून मिळालेल्या माहितीनुसार, फिर्यादी आनंदा लिगाडे आणि संबंधित संशयित हे एकमेकांच्या परिचयातील आहेत. निवडणूक प्रचाराच्या पार्श्वभूमीवर पंचशीलनगर येथे हा प्रकार घडल्याचे तक्रारीत नमूद करण्यात आले आहे. प्रचाराच्या कामावरून वाद झाल्यानंतर संशयितांनी आनंदा लिगाडे यांना मारहाण केल्याचा आरोप करण्यात आला आहे.
भांडण सोडविण्यासाठी आनंदा लिगाडे यांच्या पत्नी आरती लिगाडे मध्यस्थी करण्यासाठी आल्या असता त्यांनाही मारहाण झाल्याचे तक्रारीत नमूद आहे. घटनेनंतर जखमी दाम्पत्याने संजयनगर पोलिस ठाण्यात धाव घेऊन फिर्याद दिली.
या प्रकरणी पोलिसांनी तिघांविरुद्ध गुन्हा दाखल केला असून संजयनगर पोलिस सदर प्रकरणाचा पुढील तपास करत आहेत.
हेही वाचा: उपवळे येथे 9 वर्षांच्या मुलीवर बिबट्याचा हल्ला; भावामुळे बचावली.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
