कुपवाड : सांगली–मिरज–कुपवाड महानगरपालिका निवडणुकीच्या पार्श्वभूमीवर कुपवाड शहरातील प्रभाग क्रमांक 1 आणि 2 मध्ये राजकीय अनिश्चितता वाढताना दिसत आहे. उमेदवार यादीत काही प्रमुख नावे वगळण्यात आल्याने संभाव्य बंडखोरी आणि पक्षबदलाच्या चर्चांना जोर आला आहे.
प्रभाग क्रमांक 1 मधून मोहन बापू जाधव, अभिजित परिट आणि संदीप तुपे यांची नावे उमेदवार यादीत नसल्याने राजकीय वर्तुळात खळबळ उडाली आहे. तसेच ओबीसी गटातून पायल गोसावी आणि माया गडदे यांच्या नावाबाबत अद्याप स्पष्टता नसल्याने संभ्रमाचे वातावरण कायम आहे.
दरम्यान, संदीप तुपे आणि आकाश गोसावी यांची वाढती लोकप्रियता आणि जनसंपर्क पाहता त्यांना महाविकास आघाडी तसेच शिवसेना (शिंदे गट) कडून संपर्क केला जाऊ शकतो, अशी चर्चा राजकीय वर्तुळात सुरू आहे.
प्रभाग क्रमांक 2 मध्ये माजी नगरसेवक गजानन मगदूम यांचे नाव वगळण्यात आल्याने ते पुढील भूमिका काय घेणार, याकडे सर्वांचे लक्ष लागले आहे. ते महाविकास आघाडीकडे वळणार की अपक्ष म्हणून निवडणूक लढवणार, याबाबत अद्याप स्पष्टता नाही.
भाजपकडून अख्तर मुजावर, सिद्राम दलवाई, महेंद्र पाटील यांच्यासह काही इच्छुकांची नावे यादीत नसल्याने कुपवाडमधील राजकीय चित्र सध्या सस्पेन्सफुल बनले आहे.
हेही वाचा: जत तालुक्यातील महिला डॉक्टरचा वरिष्ठांकडून मानसिक छळ; पोस्टमार्टम रिपोर्ट बदलण्यासाठी दबाव.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
