मिरज : उसने दिलेल्या पैशांच्या वादातून तरुणावर कोयत्याने हल्ला झाल्याची घटना मिरजमध्ये घडली असून याप्रकरणी पती-पत्नीविरुद्ध गुन्हा दाखल करण्यात आला आहे.
20 मार्च रोजी रात्री 8.15 वाजण्याच्या सुमारास भिमनगर, म्हैशाळ वेस मिरज परिसरात ही घटना घडली. मैफुज झाकीर मुल्ला (वय 22) याने दिलेल्या तक्रारीनुसार, त्याच्या भावजयने काही महिन्यांपूर्वी यासीन जमादार याच्याकडून 70 हजार रुपये उसने घेतले होते.
हे पैसे परत करण्याबाबत चर्चा करण्यासाठी तो यासीन जमादार यांच्या घरी गेला असता, पैशांवरून वाद झाला. यावेळी यासीन जमादार याने घरातून कोयता आणून त्याच्या डोक्यात मारला, तर त्याची पत्नी आसमा जमादार हिनेही मारहाण केली.
या हल्ल्यात मैफुज मुल्ला जखमी झाला असून त्याच्यावर मिरज येथील शासकीय रुग्णालयात उपचार करण्यात आले. याप्रकरणी यासीन जमादार व आसमा जमादार या दोघांविरुद्ध मिरज शहर पोलीस ठाण्यात गुन्हा दाखल करण्यात आला असून पुढील तपास सुरू आहे.
हेही वाचा: सांगलीत रमजान ईद उत्साहात; ईदगाहवर नमाज, हिंदू-मुस्लिम एकोप्याचे दर्शन.
- मिरजेत पैशांच्या वादातून कोयत्याने मारहाण; पती-पत्नीविरुद्ध गुन्हा दाखल
- सांगलीत रमजान ईद उत्साहात; ईदगाहवर नमाज, हिंदू-मुस्लिम एकोप्याचे दर्शन
- सांगलीत सासू-सुनेत हाणामारी; स्वयंपाकघर झाडण्यावरून वाद, दोघी जखमी
- सांगलीत विद्यार्थ्यांसाठी मोठी संधी; परदेशात शिक्षणासाठी शिष्यवृत्ती, खर्च सरकार करणार
- सांगलीतील ‘या’ भागांत शनिवारी पाणी येणार नाही? मुख्य जलवाहिनीची दुरुस्ती सुरू
- सांगलीत महिलांसाठी मोठी संधी; 900 महिलांना व्यवसाय प्रशिक्षण, 1.62 कोटींचा निधी
