सांगली : सशस्त्र सेना ध्वजदिन निधीस नागरिकांनी यथाशक्ती योगदान द्यावे, असे आवाहन जिल्हाधिकारी अशोक काकडे यांनी केले आहे. देशरक्षणासाठी प्राणार्पण केलेल्या तसेच युद्धजन्य परिस्थितीत जखमी किंवा अपंगत्व आलेल्या जवानांच्या कुटुंबीयांच्या पुनर्वसनासाठी या निधीचा वापर केला जातो.
जिल्हाधिकारी काकडे म्हणाले की, देशाच्या संरक्षणासाठी अनेक जवानांना बलिदान द्यावे लागते. त्यांच्या कुटुंबीयांच्या अडचणी कमी करण्यासाठी आणि माजी सैनिकांच्या कल्याणासाठी विविध योजना राबविण्यात येतात. या योजनांना आर्थिक बळ देण्यासाठी सशस्त्र सेना ध्वजदिन निधी महत्त्वाची भूमिका बजावतो. ७ डिसेंबर २०२५ ते ३० नोव्हेंबर २०२६ या कालावधीत निधी संकलन मोहीम सुरू आहे.
सांगली जिल्ह्यातील १६० शूर सैनिकांनी देशरक्षणार्थ बलिदान दिले आहे. तसेच हजारो माजी सैनिक व त्यांच्या कुटुंबीयांचा जिल्ह्यात वास्तव आहे. जिल्ह्यातील वीर सैनिकांना १ महावीर चक्र, ९ वीर चक्र, १ शौर्य चक्र तसेच ३१ सेना, नौसेना व वायुसेना पदके प्राप्त झाली आहेत. सध्या जिल्ह्यातील ३० हजारांहून अधिक सैनिक देशसेवेत कार्यरत आहेत.
या निधीस दिलेली देणगी आयकर कायदा १९६१ च्या कलम ८० जी (५) (VI) अंतर्गत करमुक्त आहे. नागरिकांनी UPI, NEFT, RTGS किंवा इतर ऑनलाईन पद्धतीने देणगी जमा करावी, असे आवाहन जिल्हाधिकाऱ्यांकडून करण्यात आले आहे.
ध्वजदिन निधी खालील खात्यावर जमा करावा :
नाव : Collector and President Armed Forces Flag Day Fund, Zilla Sainik Welfare Office, Sangli
बँक : Bank of Maharashtra, City Post Office Branch, Sangli
Account No. : 20050003864
IFSC Code : MAHB0000020
MICR Code : 0416014151
हेही वाचा: विट्यात 14 फेब्रुवारीला शासकीय योजनांचा महामेळावा; 40 स्टॉल, नागरिकांना थेट लाभ व मोफत मार्गदर्शन.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
