सांगली : दृष्टी नसली तरी जिद्दीच्या जोरावर अंध मुलांनी खेळलेला क्रिकेट सामना सांगलीकरांसाठी प्रेरणादायी ठरला. कुपवाड येथील नव कृष्णा व्हॅली इंग्लिश स्कूलच्या मैदानावर झालेल्या या सामन्यात टीम शिवनेरीने टीम रायगडवर 7 धावांनी विजय मिळवला.
या स्पर्धेत राज्यातील 26 अंध खेळाडूंनी सहभाग घेतला होता. दोन्ही संघांमध्ये 15 षटकांचा सामना खेळवण्यात आला. प्रथम फलंदाजी करताना टीम शिवनेरीने 4 विकेट गमावून 117 धावा केल्या. त्यास प्रत्युत्तर देताना टीम रायगडचा संघ 110 धावांवर सर्वबाद झाला.
टीम शिवनेरीकडून संकेत जाधव यांनी तर टीम रायगडकडून चिन्मय पारे यांनी कर्णधारपदाची जबाबदारी सांभाळली. या सामन्यात विपुल साळुंखे यांना मॅन ऑफ द मॅच, तर साक्षांत पवार बेस्ट गोलंदाज आणि अनूप आहिर बेस्ट बॅटसमन ठरले.
सामन्यावेळी अंध खेळाडूंनी आवाजाच्या आधारे चेंडूचा अंदाज घेत फलंदाजी व गोलंदाजी करत दाखवलेले कौशल्य पाहून मैदानावर टाळ्यांचा कडकडाट झाला.
या उपक्रमाला जिल्हाधिकारी अशोक काकडे यांनी उपस्थित राहून खेळाडूंना प्रोत्साहन दिले. त्यांनी स्वतः डोळ्यावर पट्टी बांधून फलंदाजी करत मुलांचा उत्साह वाढवला. या कार्यक्रमाला विविध मान्यवर तसेच नागरिक उपस्थित होते.
हेही वाचा: सांगलीत दर 15 दिवसांनी महास्वच्छता मोहीम; सांगलीवाडीत कचरा साफसफाई अभियान.
- Sangli Viral Video : सांगली ZP चे CEO विशाल नरवाडे यांचा ‘हेराफेरी’ डान्स व्हायरल; पाहिला का व्हिडिओ?
- कोरडवाहू शेतीला दिलासा; ‘मागेल त्याला शेततळे’ योजनेसाठी अर्ज सुरू
- दृष्टी नसली तरी जिद्द मोठी! सांगलीत अंध मुलांचा थरारक क्रिकेट सामना; शिवनेरी संघाचा 7 धावांनी विजय
- सांगलीत दर 15 दिवसांनी महास्वच्छता मोहीम; सांगलीवाडीत कचरा साफसफाई अभियान
- सांगलीत घरगुती गॅसचा गैरवापर सुरूच? 45 एजन्सी, 40 हॉटेल्सची तपासणी; तिघांवर गुन्हे
- सांगलीत स्मार्ट मीटरमुळे वीजबिल वाढल्याच्या तक्रारी; खासदार विशाल पाटील यांचा अधिकाऱ्यांना जाब
