सांगली : इतर मागास बहुजन कल्याण विभाग, महाराष्ट्र राज्य यांच्या वतीने इतर मागास प्रवर्ग, विमुक्त जाती, भटक्या जमाती तसेच विशेष मागास प्रवर्गातील विद्यार्थ्यांसाठी जिल्हानिहाय वसतिगृहे सुरू करण्यात आली आहेत. सांगली जिल्ह्यात मुलांसाठी 100 विद्यार्थी क्षमतेचे तर मुलींसाठी 50 विद्यार्थिनी क्षमतेचे अशी दोन वसतिगृहे सुरू करण्यात आली असून या वसतिगृहासाठी प्रवेश प्रक्रिया दि. 15 फेब्रुवारी 2026 पर्यंत सुरू राहणार आहे.
बी.ए., बी.कॉम., बी.एस्सी. तसेच 12 वी नंतरच्या व्यावसायिक व अव्यावसायिक प्रथम वर्ष अभ्यासक्रमास प्रवेश घेतलेल्या पात्र विद्यार्थ्यांनी वसतिगृहात प्रवेश मिळण्यासाठी https://hmas.mahait.org/ या संकेतस्थळावर जाऊन ऑनलाईन अर्ज करावा.
ऑनलाईन अर्जाची प्रत व आवश्यक कागदपत्रे सहाय्यक संचालक, इतर मागास बहुजन कल्याण, सांगली (डॉ. बाबासाहेब आंबेडकर सामाजिक न्याय भवन, जुना बुधगांव रोड, सांगली) येथे दि. 16 फेब्रुवारी 2026 पर्यंत सादर करावीत, असे आवाहन सहाय्यक संचालक धनश्री भांबुरे यांनी प्रसिद्धीपत्रकाद्वारे केले आहे.
अधिक माहितीसाठी मुलांच्या वसतिगृहासाठी अधीक्षक (मोबा. 9763491019) तसेच मुलींच्या वसतिगृहासाठी अधीक्षिका (मोबा. 8766954163) यांच्याशी संपर्क साधावा.
हेही वाचा: सांगली-मिरज-कुपवाड महानगरपालिकेचे महापौर धीरज सूर्यवंशी, उपमहापौरपदी गजानन मगदूम यांनी पदभार स्वीकारला.
- वाळवा तालुक्यात भीषण अपघात; पुलावर दुचाकी आदळून युवकाचा मृत्यू, मित्र गंभीर जखमी
- इराण-इस्रायल तणावामुळे तेल दर वाढणार? सांगलीत पेट्रोल 104.07 रुपये; सध्या दरवाढ नाही
- विटा-कराड मार्गावर भीषण अपघात; जखमी महिलेचा 10 दिवसांनी मृत्यू
- सांगली महापालिकेच्या स्थायी समिती सभापतीची निवड 13 मार्चला; इच्छुकांकडून मोर्चेबांधणी
- सांगलीत कृष्णा नदी प्रदूषणाचा प्रश्न गंभीर; ‘हजारो मासे मृत, 5 लाख नागरिकांच्या आरोग्यास धोका’
- कवठेमहांकाळमध्ये 2.88 किलो गांजा जप्त; तस्कर अटकेत
