सांगली : सांगली शहरात दोन दिवसांपूर्वी घडलेल्या हिट अँड रन घटनेत जखमी झालेल्या नागरिकांची राज्याचे उच्च व तंत्र शिक्षण मंत्री तथा सांगली जिल्ह्याचे पालकमंत्री चंद्रकांत पाटील यांनी आज रुग्णालयास भेट देऊन विचारपूस केली.
पालकमंत्री पाटील यांनी पद्मभूषण वसंतदादा पाटील शासकीय रुग्णालय, सांगली येथे जाऊन जखमींची तब्येत जाणून घेतली तसेच त्यांच्या उपचारांबाबत डॉक्टरांकडून माहिती घेतली. यावेळी जखमींना धीर देत उपचारात कोणतीही कसूर राहू नये, अशा सूचना त्यांनी वैद्यकीय अधिकाऱ्यांना दिल्या.
घटनेतील जखमींवर उपचारासाठी आवश्यक असल्यास तज्ज्ञ डॉक्टरांची मदत घ्यावी तसेच उपचार तत्काळ आणि प्रभावी पद्धतीने करण्यात यावेत, असे निर्देश पालकमंत्र्यांनी दिले.
दरम्यान, कृष्णामाई नदी महोत्सवाच्या पार्श्वभूमीवर सांगली शहरात घडलेल्या या घटनेत नागरिकांसह पोलिस कर्मचारी जखमी झाले होते. या प्रकरणी पोलिसांकडून पुढील तपास सुरू असून कायदेशीर प्रक्रिया राबविण्यात येत आहे.
हेही वाचा: सांगली महानगरपालिकेच्या वसुली मोहिमेतून एका दिवसात ३७.७३ लाखांची वसुली; तीन मिळकती सिल.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
