सांगली : मराठी भाषा ही समृद्ध, गोड आणि आधुनिक काळाशी जुळवून घेणारी आहे. तिचा प्रसार आणि जतन करण्यासाठी संघटित प्रयत्नांची गरज असल्याचे प्रतिपादन जिल्हाधिकारी अशोक काकडे यांनी ‘मराठी भाषा गौरव दिना’निमित्त केले.
जिल्हा ग्रंथालय अधिकारी कार्यालयात आयोजित अभिजात मराठी साहित्य ग्रंथ प्रदर्शनाचे उद्घाटन जिल्हाधिकारी अशोक काकडे यांच्या हस्ते करण्यात आले. या प्रदर्शनात कुसुमाग्रजांचे साहित्य, विश्वकोश, शब्दकोश आणि विविध मराठी ग्रंथसंपदा मांडण्यात आली आहे.
जिल्हाधिकाऱ्यांनी विद्यार्थ्यांना केवळ राज्यस्तरीय परीक्षांपुरते मर्यादित न राहता यूपीएससी, एनडीए, सीडीएस, बँकिंग आदी राष्ट्रीय स्तरावरील संधींकडे लक्ष देण्याचे आवाहन केले. मराठी भाषक तरुणांनी विविध क्षेत्रांत यश मिळवून भाषेचा गौरव वाढवावा, असे त्यांनी सांगितले.
जिल्हा ग्रंथालय अधिकारी अमित सोनवणे यांनी कुसुमाग्रज यांच्या साहित्य योगदानाचा उल्लेख करत मराठी भाषा गौरव दिनाचे महत्त्व स्पष्ट केले. सांगलीतील महाविद्यालयांमध्ये कुसुमाग्रजांच्या कवितांचे वाचन कार्यक्रमही पार पडले.
दरम्यान, २८ फेब्रुवारी आणि १ मार्च रोजी सांगलीत ‘ग्रंथोत्सव २०२५’ आयोजित करण्यात येणार असून नागरिकांनी सहभाग घ्यावा, असे आवाहन करण्यात आले आहे.
हेही वाचा: विठलापूर पंचायत समितीतील तृतीयपंथी सदस्य दिलीप हेगडे यांचे निधन; आटपाडीत शोककळा.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
