सांगली : सांगली-मिरज-कुपवाड शहर महानगरपालिका निवडणुकीसाठी उमेदवारी अर्ज दाखल करण्याच्या प्रक्रियेला चांगलाच वेग येताना दिसत आहे. निवडणूक विभागाकडून मिळालेल्या माहितीनुसार, गेल्या चार दिवसांत एकूण १,९८५ उमेदवारी अर्जांची विक्री झाली असून, यापैकी २५ उमेदवारांनी अधिकृतपणे नामनिर्देशन अर्ज दाखल केले आहेत.
आज एका दिवसातच ३१८ अर्जांची विक्री झाली आहे. तसेच १७ उमेदवारांनी विविध प्रभागांतून आपले नामनिर्देशन अर्ज सादर केले आहेत. अर्ज विक्रीच्या बाबतीत RO-६ क्षेत्र आघाडीवर असून त्या विभागात ३५७ अर्जांची विक्री झाली आहे. तर RO-४ क्षेत्रात सर्वाधिक १० नामनिर्देशन अर्ज दाखल झाल्याची माहिती देण्यात आली आहे.
निवडणूक प्रक्रियेदरम्यान सर्व रिटर्निंग ऑफिसर (RO) कार्यालयांत हेल्पडेस्कची सुविधा, सीसीटीव्ही देखरेख तसेच पोलीस बंदोबस्त तैनात करण्यात आला आहे. आयुक्त तथा निवडणूक अधिकारी सत्यम गांधी यांच्या मार्गदर्शनाखाली संपूर्ण प्रक्रिया नियमांनुसार आणि पारदर्शकपणे राबवली जात असल्याचे प्रशासनाकडून सांगण्यात आले आहे.
हेही वाचा: जिल्हा परिषद विभागप्रमुखांनी पारदर्शकतेने कर्तव्य बजावावे – विभागीय आयुक्त डॉ. चंद्रकांत पुलकुंडवार.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
