सांगली : शहरातील शामरावनगर परिसरात घरात घुसून एका कुटुंबाला मारहाण केल्याची घटना घडल्याचे समोर आले आहे. या प्रकरणी संबंधित कुटुंबाच्या तक्रारीनुसार सांगली शहर पोलिस ठाण्यात पाच जणांविरुद्ध गुन्हा दाखल करण्यात आला आहे.
पोलिसांकडून मिळालेल्या माहितीनुसार, फिर्यादी मुदस्सर सलीम बागवान हे ३ जानेवारी रोजी दुपारी साडेचारच्या सुमारास शामरावनगर येथील त्यांच्या घरात कुटुंबीयांसह उपस्थित होते. यावेळी त्यांच्या पहिल्या पत्नीचे काही नातेवाईक त्या ठिकाणी आले.
तक्रारीनुसार, संबंधितांनी घरात आल्यानंतर शिवीगाळ सुरू केली. याबाबत विचारणा केली असता त्यांनी घरात घुसून मारहाण केल्याचा आरोप करण्यात आला आहे. या घटनेत मुदस्सर बागवान यांच्यासह त्यांची आई, बहीण, भाऊ आणि दुसरी पत्नी जखमी झाल्याचे फिर्यादीत नमूद करण्यात आले आहे.
या प्रकरणी ताहेरून अल्फाज बागवान, फिजा जुबेर बागवान, तमन्ना तोहिद बागवान, रेश्मा राजू शेख आणि तोहिद अल्फाज बागवान (सर्व रा. जयसिंगपूर, जि. कोल्हापूर) यांच्याविरोधात सांगली शहर पोलिस ठाण्यात गुन्हा नोंदवण्यात आला असून पोलिसांकडून पुढील तपास सुरू असल्याची माहिती देण्यात आली आहे.
हेही वाचा: सांगली जिल्हा परिषद अधिकारी-कर्मचाऱ्यांसाठी माहिती अधिकार कायद्यावर तीन दिवसीय विशेष कार्यशाळेचे आयोजन.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
