सांगली : गरजू व उपेक्षित घटकांच्या पुनर्वसनासाठी जिल्हा प्रशासनाने पुढाकार घेतला असून, सांगली जिल्हा परिषदेचे मुख्य कार्यकारी अधिकारी श्री. विशाल सविता तेजराव नरवाडे (भा.प्र.से.) यांनी नुकतीच कुष्ठरोगग्रस्त व्यक्ती वास्तव्यास असलेल्या वसाहतीस तसेच रिचर्डसन रुग्णालयास भेट दिली.
या भेटीदरम्यान त्यांनी उपचार सुरू असलेल्या रुग्णांशी तसेच उपचार पूर्ण झालेल्या व्यक्तींशी थेट संवाद साधत त्यांच्या समस्या, अनुभव व गरजा जाणून घेतल्या. कुष्ठरोगग्रस्तांना समाजात सन्मानाने जीवन जगता यावे, यासाठी आवश्यक आरोग्यसेवा, पुनर्वसन आणि शासकीय सुविधांची उपलब्धता महत्त्वाची असल्याचे त्यांनी यावेळी स्पष्ट केले.
यानंतर विशाल नरवाडे यांनी कुष्ठरोगासाठी विशेष उपचार देण्यात येणाऱ्या रिचर्डसन रुग्णालयास भेट देऊन तेथील उपचारपद्धती, पुनर्वसन उपक्रम आणि रुग्णसेवेची माहिती घेतली. कुष्ठरोग निर्मूलनासाठी कार्यरत डॉक्टर व आरोग्य कर्मचाऱ्यांच्या सेवांचे त्यांनी कौतुक केले.
या पाहणीमुळे कुष्ठरोगग्रस्त व्यक्तींमध्ये आधार आणि आत्मविश्वास निर्माण झाला असून, गरजू घटकांसाठी संवेदनशील प्रशासनाची भूमिका अधोरेखित झाली आहे.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
