सांगली : जत विधानसभा मतदारसंघाचे आमदार गोपीचंद पडळकर यांनी नवी मुंबईतील कळंबोली येथे आयोजित संवाद बैठकीत आटपाडी, जत आणि कवठेमहांकाळ तालुक्यातून रोजगारासाठी मुंबईत आलेल्या माथाडी व कष्टकरी कामगारांशी संवाद साधला.
आगामी निवडणुकांच्या पार्श्वभूमीवर आयोजित या बैठकीत मुंबईत काम करणाऱ्या गावाकडील कष्टकरी बांधवांच्या समस्या, अडचणी आणि अपेक्षा जाणून घेण्यात आल्या. पोटापाण्यासाठी मुंबईत संघर्ष करत असलेल्या कामगारांच्या प्रश्नांवर चर्चा करत त्यांच्या अडचणींबाबत माहिती घेण्यात आली.
या बैठकीदरम्यान कष्टकरी समाजाच्या न्याय्य हक्कांसाठी आणि त्यांच्या प्रश्नांसाठी ठामपणे उभे राहण्याची भूमिका आमदार पडळकर यांनी व्यक्त केल्याची माहिती देण्यात आली आहे.
या संवाद बैठकीस माजी समाजकल्याण सभापती ब्रह्मानंद पडळकर, आटपाडी नगरपंचायतीचे नगराध्यक्ष यू. टी. जाधव, तसेच भाजप व विविध संघटनांचे पदाधिकारी, लोकप्रतिनिधी आणि कार्यकर्ते मोठ्या संख्येने उपस्थित होते.
हेही वाचा: राज्य निवडणूक आयोगाच्या आदेशाने मतदार यादी प्रसिद्धीस मुदत वाढ.
- बैलगाडी शर्यतीला गेलेल्या युवकाची मोटारसायकल चोरी; रेठरेधरण येथील घटना
- दिघंची बसस्थानकाजवळील दुकान फोडले; 1.21 लाखांचा ऐवज लंपास
- सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या
- होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
