सांगली, दि. 5 : जत तालुक्यात ‘छत्रपती शिवाजी महाराज महसूल समाधान शिबिर’ आयोजित करण्यात येणार आहे. नागरिकांच्या महसूल विषयक तक्रारी आणि प्रलंबित प्रकरणांचा जलद निपटारा करण्यासाठी हे शिबिर आयोजित करण्यात येत आहे. या शिबिरांमधून महसूल विभागाच्या 15 महत्त्वाच्या सेवा नागरिकांना एकाच ठिकाणी आणि एकाच दिवशी उपलब्ध करून दिल्या जाणार आहेत.
मुख्यमंत्री देवेंद्र फडणवीस यांच्या सूचनेनुसार आणि महसूल मंत्री चंद्रशेखर बावनकुळे यांच्या संकल्पनेतून हा उपक्रम राबविण्यात येत असून जिल्हाधिकारी अशोक काकडे यांच्या मार्गदर्शनाखाली अभियानाची अंमलबजावणी केली जात आहे.
सर्वसामान्य नागरिक, शेतकरी, शेतमजूर, विद्यार्थी आणि महिलांना महसूल विभागाच्या सेवा त्वरित व सुलभ पद्धतीने उपलब्ध करून देणे हा या शिबिरांचा मुख्य उद्देश असल्याची माहिती तहसीलदार प्रवीण धानोरकर यांनी दिली.
या अभियानांतर्गत जत तालुक्यात मार्च महिन्यात 7 मार्च व 14 मार्च, एप्रिल महिन्यात 10 एप्रिल व 17 एप्रिल, तसेच मे महिन्यात नगरपरिषद / नगरपंचायत स्तरावर 8 मे व 15 मे रोजी शिबिरे आयोजित केली जाणार आहेत.
फेरफार प्रकरणांचा निपटारा, 7/12 व 8अ उताऱ्यांतील दुरुस्ती, जात, उत्पन्न व रहिवासी प्रमाणपत्र, नॉन क्रीमीलेअर दाखला, ई-मोजणी अर्ज, पीएम किसान योजना नोंदणी, नवीन रेशन कार्ड, नाव दुरुस्ती, तक्रार निवारण तसेच विविध शासकीय योजनांबाबत मार्गदर्शन अशा सेवा या शिबिरांमध्ये दिल्या जाणार आहेत.
नागरिकांनी आवश्यक कागदपत्रांसह संबंधित शिबिरात उपस्थित राहून या सुविधांचा लाभ घ्यावा, असे आवाहन प्रशासनाकडून करण्यात आले आहे.
येथे वाचा: सांगली नागरिक प्रश्न.
हेही वाचा: दोन वर्षांपूर्वीच्या वादातून मिरजेत कोयत्याने दुकानाची तोडफोड; सराईत गुन्हेगारास अटक.
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
