सांगली : एचआयव्हीसह जीवन जगणाऱ्या व्यक्तींनाही समाजात सन्मानाने जगण्याचा पूर्ण अधिकार आहे. त्यांना केवळ औषधोपचारच नव्हे, तर सहजीवन आणि कौटुंबिक आयुष्य सुखाने जगण्याची संधी मिळणेही तितकेच आवश्यक आहे, असे प्रतिपादन जिल्हाधिकारी अशोक काकडे यांनी केले.
सांगली येथील मराठा सेवा संघ सांस्कृतिक भवन येथे आयोजित एचआयव्हीबाधित वधू-वर परिचय मेळाव्यात ते बोलत होते. या मेळाव्यास महाराष्ट्र आणि कर्नाटक या दोन्ही राज्यांतून प्रतिसाद मिळाला असून एकूण 153 उमेदवारांनी विवाहासाठी नोंदणी केली.
जिल्हाधिकारी काकडे म्हणाले की, सांगली जिल्ह्यात एचआयव्हीसह जगणाऱ्या सुमारे 11 हजार व्यक्तींना मोफत एआरटी (ART) औषधोपचार दिले जात आहेत. औषधोपचारासोबत विविध शासकीय योजनांचा लाभ देऊन या व्यक्तींचे जीवन अधिक सुसह्य करण्यासाठी प्रयत्न सुरू असल्याचे त्यांनी सांगितले.
या कार्यक्रमास शासकीय वैद्यकीय महाविद्यालय व रुग्णालयाचे अधिष्ठाता डॉ. प्रकाश गुरव, जिल्हा शल्यचिकित्सक डॉ. विक्रमसिंह कदम, महापालिकेच्या वैद्यकीय आरोग्य अधिकारी डॉ. सुचेता पवार, वैद्यकीय अधिकारी डॉ. रवींद्र ताटे, वरिष्ठ निवासी वैद्यकीय अधिकारी डॉ. मृणाल पटवर्धन, मराठा सेवा संघ सांस्कृतिक भवनचे अध्यक्ष डॉ. आर. एस. पवार, लायन्स क्लब ऑफ सांगलीचे अध्यक्ष नितीन बंग आदी उपस्थित होते.
जिल्हा एड्स प्रतिबंध व नियंत्रण कक्षाच्या वतीने या मेळाव्याचे आयोजन करण्यात आले होते. एचआयव्हीसह जगणाऱ्या व्यक्तींना समाजाने स्वीकारावे आणि त्यांना सुखी कौटुंबिक आयुष्या जगण्याची संधी मिळावी, हा या उपक्रमामागील उद्देश असल्याचे आयोजकांनी सांगितले.
हेही वाचा: जत तालुक्यात महसूल समाधान शिबिर; 7/12 दुरुस्तीपासून पीएम किसान योजना नोंदणीपर्यंत 15 सेवा एकाच ठिकाणी.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
