सांगली टुडे न्यूज नेटवर्क: महिन्याची अखेर जवळ आली की सर्वसामान्यांचे बजेट कोलमडणे काही नवीन नाही. अशातच घरातील स्वयंपाकाचा गॅस अचानक संपला आणि सिलिंडर घेण्यासाठी हातात रोख रक्कम नसेल, तर गृहिणींची मोठी पंचाईत होते. हीच अडचण ओळखून आता भारत पेट्रोलियमच्या ‘भारत गॅस’ने (Bharat Gas) सर्वसामान्य ग्राहकांसाठी एक दिलासादायक सुविधा सुरू केली आहे. पैशांची चणचण असतानाही चूल विझू नये म्हणून आता शून्य टक्के व्याजावर गॅस सिलिंडर भरण्यासाठी थेट कर्ज (Micro Loan) उपलब्ध करून दिले जात आहे.
नक्की काय आहे ही सुविधा?
ही सुविधा ‘आता सिलिंडर घ्या, पैसे नंतर भरा’ (Buy Now Pay Later) या स्वरूपात काम करते. गॅस संपल्यानंतर जर ग्राहकाकडे पूर्ण रक्कम नसेल, तर भारत गॅसतर्फे ६०० रुपयांपर्यंतचे छोटे कर्ज दिले जाते. यामुळे ग्राहकाला एकाच वेळी संपूर्ण पावतीचे पैसे देण्याची गरज पडत नाही आणि कुटुंबावरचा आर्थिक ताण हलका होतो.
वैशिष्ट्य: एक रुपयाही व्याज किंवा छुपे शुल्क नाही!
या योजनेचे सर्वात मोठे वैशिष्ट्य म्हणजे या कर्जावर ०% व्याज आकारले जाते.
- ग्राहकाला जितक्या रकमेचे कर्ज मंजूर झाले आहे, तेवढीच मूळ रक्कम परत करायची आहे.
- कोणतीही अतिरिक्त प्रोसेसिंग फी किंवा दंड आकारला जात नाही.
- हे कर्ज प्रामुख्याने हातावर पोट असणारे मजूर, अल्प उत्पन्न गट आणि ऐनवेळी आर्थिक ओढाताण होणाऱ्या गृहिणींसाठी अत्यंत उपयुक्त ठरणार आहे.
परतफेड कशी करायची? १०० रुपयांचा सोपा आठवडा हप्ता
एकत्रित पैसे भरणे शक्य नसल्यास कंपनीने परतफेडीसाठी सुलभ साप्ताहिक हप्त्यांची (Weekly EMI) सोय केली आहे.
- उदाहरणार्थ, ग्राहकाने ६०० रुपयांचे कर्ज घेतले असेल, तर दर आठवड्याला फक्त १०० रुपये परत करावे लागतील.
- पुढील ६ आठवड्यांत हे कर्ज सहज आणि कोणत्याही ओझ्याविना फिटून जाते.
🔴 लेटेस्ट
लाभ कसा मिळवायचा?
- या सुविधेचा लाभ घेण्यासाठी ग्राहकांना त्यांच्या स्थानिक अधिकृत भारत गॅस वितरकाशी (Gas Agency) संपर्क साधावा लागेल.
- ग्राहकाचा गॅस कनेक्शनचा मागील व्यवहार आणि नियमितता तपासून वितरकाकडून ही मर्यादा ठरवली जाते.
- संबंधित गॅस एजन्सीकडून अर्जाची प्रक्रिया, हप्ता भरण्याची डिजिटल किंवा रोख पद्धत आणि पात्रतेची माहिती तत्काळ दिली जाते.
महत्त्वाची नोंद: ही सुविधा सर्व भागात एकाच वेळी लागू आहे की नाही, तसेच तुमच्या ग्राहक क्रमांकावर ही मर्यादा उपलब्ध आहे का, याची खात्री एकदा स्थानिक वितरकाकडे जाऊन करून घेणे आवश्यक आहे.
पाहायला विसरू नका: या वाढत्या महागाईत १५ ते २५ हजारात मिळतंय ब्रँडेड मंगळसूत्र; दिवाळी खरेदीसाठी पाहा ७ सुंदर डिझाईन्स अन् भाव.
More Read
