सांगली : वसंतदादा शेतकरी सहकारी साखर कारखान्यात हंगाम 2025-26 चा विधिवत शुभारंभ करण्यात आला. पारंपरिक पद्धतीनुसार बॉयलर अग्निप्रदीपन करून कारखान्याच्या गळीत हंगामास (crushing season) ला सुरुवात झाली. या प्रसंगी कारखान्याचे पदाधिकारी, संचालक मंडळाचे सदस्य, शेतकरी प्रतिनिधी व कर्मचारी मोठ्या संख्येने उपस्थित होते.
या वेळी बोलताना पदाधिकाऱ्यांनी सांगितले की, वसंतदादा शेतकरी सहकारी साखर कारखाना गेल्या अनेक वर्षांपासून शेतकऱ्यांचा विश्वास संपादन करत आला आहे. यावर्षी शेतकऱ्यांना योग्य दर मिळावा, उत्पादन वाढीस चालना मिळावी आणि कारखान्याची आर्थिक स्थिती आणखी सक्षम व्हावी यासाठी संचालक मंडळ कटिबद्ध आहे.
हंगामाच्या प्रारंभी केलेले बॉयलर अग्निप्रदीपन हे कारखान्याच्या परंपरेचा भाग असून यावेळी उपस्थित सर्व मान्यवरांनी शेतकरी, कारखान्याचे कामगार व परिसरातील नागरिकांनी यशस्वी हंगामाच्या शुभेच्छा दिल्या.
हेही वाचा: आ. गोपीचंद पडळकर यांच्या वक्तव्याच्या निषेधार्थ आज सांगलीत राष्ट्रवादीचा मोठा मोर्चा.
