सांगली : शहर पोलीस ठाण्याच्या हद्दीत सतत मारामाऱ्या, बेकायदेशीर शस्त्र बाळगणे, शिवीगाळ आणि गोंधळ निर्माण करणे अशा वारंवार गुन्ह्यांमध्ये सहभागी असलेल्या प्रशांत दिलीप चौगुले (वय 26, रा. इंदिरानगर झोपडपट्टी) या तरुणाला सांगली जिल्ह्यातून एक वर्षासाठी हद्दपार करण्यात आले आहे.
महानगरपालिका निवडणुका जवळ आल्यामुळे शहरातील कायदा-सुव्यवस्था बिघडू नये, शांतता राखली जावी आणि गुन्हेगारीवर प्रतिबंध ठेवण्यासाठी पोलिसांनी ही निर्णायक कारवाई केली आहे.
पोलीस अधीक्षक संदीप घुगे, अपर पोलीस अधीक्षक कल्पना बारवकर आणि उपविभागीय पोलीस अधिकारी संदीप भागवत यांच्या मार्गदर्शनाखाली हद्दपारीचा प्रस्ताव तयार करण्यात आला होता. अंतिम आदेशानुसार, चौगुले याला एक वर्षासाठी जिल्ह्याच्या सीमा सोडण्याचे निर्देश देण्यात आले आहेत.
पोलीस निरीक्षक अरुण सुगांवकर यांच्या पथकाने ही कारवाई अंमलात आणली. चौगुले याच्यावर यापूर्वी अनेक गुन्हे नोंद असून, कायदा व सुव्यवस्थेला धोका निर्माण होण्याची शक्यता लक्षात घेऊन हा निर्णय घेण्यात आला असल्याचे पोलिसांकडून सांगण्यात आले.
हेही वाचा: बांबवडे येथे दुचाकीच्या धडकेत वृद्धाचा मृत्यू; अज्ञात चालकाविरोधात पलूस पोलिसांत गुन्हा दाखल.
🔴 ताज्या बातम्या 🔴
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
