सांगली : रविवारी भाजी मंडईत गवारीचा दर 270 रुपये ते 280 रुपये किलोवर पोहोचला असून, शहरातील काही भागात त्यापेक्षा स्वस्त दरात चिकन विक्री होत असल्याने ग्राहकांमध्ये चर्चा रंगली आहे. गवारीपेक्षा चिकन स्वस्त झाल्याने अनेकांनी आश्चर्य व्यक्त केले.
रविवारी संध्याकाळी भाजी मंडईत गवारीचा दर 270 ते 280 रुपये किलो होता. बाजारातील आवक कमी असल्याने गेल्या महिनाभरापासून गवारीचे दर तेजीत असल्याचे विक्रेत्यांचे म्हणणे आहे. मात्र, बंदरी गवारीचा दर 140 ते 160 रुपये किलो दरम्यान आहे.
दरम्यान, सांगलीतील शंभर फुटी रोड परिसरातील एका चिकन विक्रेत्याने दिलेल्या माहितीनुसार, सोमवारी सकाळी चिकनचा दर 260 रुपये किलो आहे. “संध्याकाळी दरात बदल होऊ शकतो,” असेही संबंधित विक्रेत्याने सांगितले.
गवारी आणि चिकनचा दर जवळपास समान झाल्याने ग्राहकांमध्ये “गवारी स्वस्त की चिकन?”, अशी चर्चा ऐकायला मिळत आहे. सणासुदीचा काळ, आवक कमी आणि हवामानातील बदल यामुळे काही भाज्यांचे दर वाढल्याचे व्यापाऱ्यांचे म्हणणे आहे.
भाज्यांच्या दरवाढीचा सर्वसामान्य सांगलीकरांच्या बजेटवर परिणाम होत आहे.
हेही वाचा: विश्रामबाग मंगळवार बाजार चौकात नाला तुंबण्याची भीती; नाल्यात झाडी वाढल्याने सांडपाण्याच्या प्रवाहात अडथळा.
- ट्रॉलीला ओव्हरटेक करताना मागून एसटीची धडक; विट्यात 66 वर्षीय व्यक्तीचा मृत्यू
- भाजी महाग, चिकन स्वस्त? सांगलीत गवारीच्या दराने ग्राहक हैराण
- विश्रामबाग मंगळवार बाजार चौकात नाला तुंबण्याची भीती; नाल्यात झाडी वाढल्याने सांडपाण्याच्या प्रवाहात अडथळा
- जतचा दुष्काळ लवकरच संपणार? 65 गावांना पाणी, 26,500 हेक्टर सिंचनाचा मार्ग मोकळा
- राज्यात 2000 नवीन ग्रंथालयांना मान्यता; सांगलीतील ग्रंथोत्सवात पालकमंत्र्यांची घोषणा
- आटपाडीत दुकानफोडी; दिघंचीतील इलेक्ट्रिकल दुकान फोडून 70 हजारांचा माल लंपास
