विटा : विटा–कराड मार्गावर असणाऱ्या महालक्ष्मी कृषी उद्योग समूहासमोर रविवारी (१ मार्च) सकाळी झालेल्या अपघातात 66 वर्षीय दुचाकीस्वाराचा मृत्यू झाला. ट्रॉलीला ओव्हरटेक करत असताना मागून आलेल्या एसटी बसने दुचाकीला धडक दिल्याने हा अपघात झाला.
अंकुश तुकाराम नलवडे (वय 66, रा. विटा, ता. खानापूर) असे मृत व्यक्तीचे नाव आहे. ते सकाळी सुमारे 8.15 वाजण्याच्या सुमारास त्यांच्या दुचाकीवरून कराडकडून विट्याकडे येत होते. ट्रॉलीला ओव्हरटेक करत असताना मागून येणाऱ्या एसटी बसने त्यांच्या दुचाकीला धडक दिली.
बसच्या धडकेत नलवडे यांच्या डोक्याला गंभीर दुखापत झाली. स्थानिकांच्या मदतीने त्यांना उपचारासाठी विट्यातील खाजगी रुग्णालयात हलविण्यात आले, मात्र डॉक्टरांनी उपचारापूर्वीच त्यांना मृत घोषित केले.
विटा पोलिस ठाण्यात या प्रकरणी संबंधित एसटी चालकाविरुद्ध गुन्हा नोंदविण्यात आला असून पोलिसांकडून पुढील तपास सुरू आहे.
हेही वाचा: भाजी महाग, चिकन स्वस्त? सांगलीत गवारीच्या दराने ग्राहक हैराण.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
