सांगली : कुपवाड रोडवरील लक्ष्मी देऊळ हडको कॉलनी परिसरातील एका रहिवासी घराला काल दि. ५ फेब्रुवारी रोजी दुपारी भीषण आग लागल्याची घटना घडली. मात्र, महानगरपालिका अग्निशमन दलाने वेळीच केलेल्या कारवाईमुळे आग आटोक्यात आली व मोठा अनर्थ टळला.
अग्निशमन दलाला दुपारी २.२२ वाजता हडको कॉलनी येथील घराला आग लागल्याची माहिती मिळाली. माहिती मिळताच अवघ्या काही मिनिटांतच अग्निशमन दलाचे जवान घटनास्थळी दाखल झाले. तोपर्यंत घराच्या आतील भागात आग भडकली होती.
बचावकार्यादरम्यान घरात गॅस सिलिंडर असल्याचे लक्षात आल्यानंतर जवानांनी तत्काळ कारवाई करत तीन भरलेले आणि एक रिकामा असे चार गॅस सिलिंडर सुरक्षितपणे घरातून बाहेर काढले. सिलिंडर वेळेत बाहेर काढल्यामुळे मोठा स्फोट होण्याचा धोका टळला.
यानंतर पाण्याचा मारा करून आग पूर्णपणे नियंत्रणात आणण्यात आली. या आगीत घरातील साहित्याचे मोठ्या प्रमाणात नुकसान झाले असले, तरी कोणालाही इजा झालेली नाही.
हेही वाचा: मतमोजणी केंद्रांपासून २०० मीटर परिसरात जमावबंदी; झेरॉक्स, टेलिफोन बुथ, फॅक्स व ध्वनीक्षेपकांवर बंदी.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
