सांगली : जिल्हा परिषद व पंचायत समिती सार्वत्रिक निवडणूक-२०२६ अंतर्गत ९ फेब्रुवारी रोजी होणाऱ्या मतमोजणीदरम्यान जिल्ह्यातील सर्व मतमोजणी केंद्रांच्या परिसरात कडक प्रतिबंधात्मक आदेश लागू करण्यात आले आहेत. शांतता राखण्यासाठी आणि कायदा-सुव्यवस्था अबाधित ठेवण्यासाठी जिल्हा दंडाधिकारी अशोक काकडे यांनी भारतीय नागरिक सुरक्षा संहिता, २०२३ च्या कलम १६३ अन्वये हे आदेश जारी केले आहेत.
आदेशानुसार मतमोजणी केंद्रापासून २०० मीटरच्या परिसरात पाच किंवा त्यापेक्षा अधिक व्यक्तींच्या एकत्रित जमावास मनाई करण्यात आली आहे. तसेच या परिसरात झेरॉक्स मशीन, टेलिफोन बुथ, फॅक्स मशीन, ध्वनीक्षेपकांचा वापर बंद राहणार असून, मतमोजणी केंद्रात मोबाईल व पेजर वापरण्यासही मनाई असेल.
हे आदेश निवडणूक कर्तव्य बजावणाऱ्या शासकीय अधिकारी-कर्मचाऱ्यांना लागू होणार नाहीत. ९ फेब्रुवारी रोजी सकाळी ६ वाजल्यापासून संबंधित मतमोजणी केंद्रावरील प्रक्रिया पूर्ण होईपर्यंत हे निर्बंध अंमलात राहतील, असे प्रशासनाने स्पष्ट केले आहे.
दरम्यान, जिल्ह्यात एकूण १० मतमोजणी केंद्रांवर मतमोजणी होणार असून, प्रशासनाने आवश्यक त्या सर्व सुरक्षात्मक उपाययोजना केल्याचे सांगण्यात आले आहे.
तालुकानिहाय मतमोजणी केंद्रे
- आटपाडी: दुसरा मजला हॉल, नवीन प्रशासकीय इमारत, तहसीलदार कार्यालय
- जत: जुने शासकीय धान्य गोदाम क्र. २, नवीन प्रशासकीय इमारतीसमोर
- खानापूर: इनडोअर स्पोर्ट्स फॅसिलिटी सेंटर, बळवंत कॉलेज, विटा
- कडेगाव: औद्योगिक प्रशिक्षण संस्था (ITI), कराड-कडेगाव रोड
- तासगाव: शासकीय बहुउद्देशीय कक्ष, मध्यवर्ती प्रशासकीय इमारत, दत्तमाळ
- कवठेमहांकाळ: पुरवठा शाखेसमोरील मोकळी जागा, मध्यवर्ती प्रशासकीय इमारत
- पलूस: मध्यवर्ती प्रशासकीय इमारत, तळमजला, न्यायालयाजवळ
- वाळवा: शासकीय धान्य गोदाम, बहे रोड, ईश्वरपूर
- शिराळा: श्री गोरक्षनाथ शासकीय औद्योगिक प्रशिक्षण संस्था
- मिरज: शासकीय नवीन धान्य गोदाम, वैरण बाजार
हेही वाचा: मुख्यमंत्र्यांबाबतच्या वक्तव्यावर आमदार सुहास बाबर यांना गिरीश महाजन यांचा सल्ला.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
