सांगली : माधवनगर येथील सोमवार पेठ परिसरात घरासमोर उभी केलेली अॅक्टिवा मोपेड अज्ञात चोरट्याने चोरून नेल्याची घटना घडली आहे. याप्रकरणी संजयनगर पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, अंजली गुंजकर (वय 26) या माधवनगर येथे भाड्याच्या घरात वास्तव्यास आहेत. त्या आर.के.एच. हॉस्पिटल माधवनगर येथे नर्सिंगचे काम करतात.
दि. 2 मार्च रोजी रात्री बाहेर जेवण करून त्या रात्री सुमारे 12.10 वाजता घरी परतल्या. त्यावेळी त्यांनी आपली राखाडी रंगाची होंडा अॅक्टिवा 6G (MH-09 GS-2766) ही दुचाकी घरासमोर लावून हँडल लॉक करून ठेवली होती.
मात्र सकाळी सुमारे 9 वाजता कामावर जाण्यासाठी त्या खाली आल्यावर दुचाकी जागेवर दिसून आली नाही. परिसरात शोध घेतल्यानंतरही गाडी न मिळाल्याने संजयनगर पोलिस ठाण्यात अज्ञात चोरट्याविरुद्ध तक्रार देण्यात आली आहे.
चोरीस गेलेल्या अॅक्टिवाची किंमत सुमारे 40 हजार रुपये असून संजयनगर पोलिस पुढील तपास करत आहेत.
येथे वाचा: Sangli Crime News Today.
हेही वाचा: वाळवा तालुक्यात भीषण अपघात; पुलावर दुचाकी आदळून युवकाचा मृत्यू, मित्र गंभीर जखमी.
- वाळवा तालुक्यातील ऐतवडे बुद्रुक येथे डंपर पलटी; उपचारादरम्यान चालकाचा मृत्यू
- सांगलीच्या शासकीय रुग्णालयात धक्कादायक प्रकार; प्रसूतीनंतर नवजात बाळाला सोडून आई गायब
- माधवनगरमध्ये घरासमोरून दुचाकी चोरी; संजयनगर पोलिसांत गुन्हा दाखल
- वाळवा तालुक्यात भीषण अपघात; पुलावर दुचाकी आदळून युवकाचा मृत्यू, मित्र गंभीर जखमी
- इराण-इस्रायल तणावामुळे तेल दर वाढणार? सांगलीत पेट्रोल 104.07 रुपये; सध्या दरवाढ नाही
- विटा-कराड मार्गावर भीषण अपघात; जखमी महिलेचा 10 दिवसांनी मृत्यू
