सांगली : वाळवा तालुक्यातील ऐतवडे बुद्रुक येथील स्टोन क्रशर परिसरात डंपर पलटी होऊन झालेल्या अपघातात जखमी चालकाचा उपचारादरम्यान मृत्यू झाल्याची घटना घडली आहे. याप्रकरणी कुरळप पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, राजेंद्र दत्तात्रय बारपटे (वय 55, रा. कामेरी ता. वाळवा) हे डंपर चालक म्हणून काम करत होते.
दि. 5 मार्च रोजी दुपारी सुमारे 3.45 वाजण्याच्या सुमारास ऐतवडे बुद्रुक येथील पार्वती स्टोन क्रशर परिसरातून क्रश सॅन्ड घेऊन ते रेठरे धरणाकडे जात असताना त्यांचा अशोक लेलंड कंपनीचा डंपर चढावरून मेन रोडवर येताना नियंत्रणाबाहेर गेला.
डंपरवरील ताबा सुटल्याने डंपर रस्त्याच्या कडेला असलेल्या खड्ड्यात जाऊन पलटी झाला. या अपघातात चालक राजेंद्र बारपटे गंभीर जखमी झाले.
त्यांना तातडीने उपचारासाठी इश्वरपूर येथील रुग्णालयात नेण्यात आले डॉक्टरांनी उपचार सुरु करून अंतर्गत रक्तस्त्राव होऊन बरगड्या फ्रॅक्चर झाल्याचे सांगून पुढील उपचारासाठी घेऊन जाण्यास सांगितले, त्यानंतर बारपटे यांना पुढील उपचारासाठी कराड येथील कृष्णा हॉस्पिटलमध्ये हलविण्यात आले, मात्र उपचार सुरू असताना रात्री सुमारे 8.15 वाजता त्यांचा मृत्यू झाला.
कुरळप पोलिस ठाण्यात या प्रकरणी गुन्हा दाखल करण्यात आला असून पुढील तपास सुरू आहे.
येथे वाचा: Sangli Accident News Today.
हेही वाचा: सांगलीच्या शासकीय रुग्णालयात धक्कादायक प्रकार; प्रसूतीनंतर नवजात बाळाला सोडून आई गायब.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
