सांगली : सांगली-मिरज-कुपवाड महापालिका आयुक्त सत्यम गांधी यांनी शहरातील जलशुद्धीकरण केंद्र, शेरी नाला जॅकवेल उपसा केंद्र आणि अमरधाम स्मशानभूमीची पाहणी करून संबंधित अधिकाऱ्यांना विविध सूचना दिल्या.
आयुक्त गांधी यांनी माळ बंगला येथील जलशुद्धीकरण केंद्राला भेट देऊन पाणी शुद्धीकरण प्रक्रियेचा आढावा घेतला. नागरिकांना मिळणारे पाणी पूर्णपणे पिण्यायोग्य असावे यासाठी दररोजचे प्रयोगशाळा अहवाल अद्ययावत ठेवण्याच्या सूचना देण्यात आल्या.
तसेच क्लोरीनचे प्रमाण आणि गाळ उपसा प्रक्रियेचे नियोजन काटेकोरपणे पाळण्याचे निर्देश देण्यात आले.
यानंतर आयुक्तांनी शहरातील सांडपाणी प्रक्रिया करणाऱ्या शेरी नाला जॅकवेल उपसा केंद्राची पाहणी केली. नदीपात्रात पाणी सोडण्यापूर्वी त्यावर योग्य शुद्धीकरण प्रक्रिया करावी तसेच पावसाळ्यापूर्वी ड्रेनेज यंत्रणा सक्षम ठेवण्यासाठी आवश्यक ती दुरुस्ती तातडीने करण्याचे आदेश देण्यात आले.
दरम्यान, अमरधाम स्मशानभूमीतील गॅस दाहिनी गेल्या काही दिवसांपासून बंद असल्याचे निदर्शनास आले. यावेळी आयुक्तांनी तातडीने नवीन मशीन बसवून ही सेवा लवकरात लवकर सुरू करण्याचे निर्देश दिले.
हेही वाचा: वाळवा तालुक्यातील ऐतवडे बुद्रुक येथे डंपर पलटी; उपचारादरम्यान चालकाचा मृत्यू.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
