सांगली : सांगलीतील राजस्थानी ठेकेदाराच्या खूनप्रकरणी फरार असलेल्या संशयिताला संजयनगर पोलिसांनी गोव्यातून अटक केली आहे. गेल्या काही दिवसांपासून तो फरार होता.
पोलिसांनी दिलेल्या माहितीनुसार, प्रेमकुमार पवनकुमार बराला (वय 21, रा. जेतूसरा, ता. श्रीमाधवपूर, जि. सिकर, राजस्थान) असे अटक करण्यात आलेल्या संशयिताचे नाव आहे.
प्रेमकुमार बराला हा सांगलीत फरशी काम करणाऱ्या गोपालसिंह बेगाराम भदाला या ठेकेदाराकडे कामासाठी आला होता. दोघेही जवळच राहत होते.
दरम्यान, पत्नीची छेड काढल्याचा राग मनात धरून प्रेमकुमारने 27 फेब्रुवारी रोजी दुपारच्या सुमारास भांडणात भदाला यांच्यावर खोऱ्याच्या प्लास्टिकच्या दांड्याने हल्ला केला होता. या घटनेत गोपालसिंह भदाला यांचा मृत्यू झाला.
घटनेनंतर संशयित पत्नीसह सांगलीतून फरार झाला होता. पोलिसांनी सीसीटीव्ही फुटेज आणि तांत्रिक माहितीच्या आधारे त्याचा माग काढत शोधमोहीम सुरू केली.
संजयनगर पोलिस ठाण्याचे निरीक्षक सतीश कदम यांच्या मार्गदर्शनाखालील पथकाने संशयिताला गोव्यातून ताब्यात घेतले असून पोलिसांकडून पुढील तपास सुरू आहे.
येथे वाचा: Sangli Crime News Today.
हेही वाचा: सांगलीत जलशुद्धीकरण केंद्र, शेरी नाला पंपहाऊसची आयुक्तांची पाहणी; अमरधाम गॅस दाहिनी दुरुस्तीचे आदेश.
- बंगळुरू-मुंबई स्लीपर वंदे भारतवरून नवा वाद; सांगली-बेळगावला डावलले जाणार?
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
