सांगली : जिल्ह्यात महसूल विभागाच्या विविध सेवांसाठी ‘छत्रपती शिवाजी महाराज महसूल समाधान शिबिर’ आयोजित करण्यात येणार असल्याची माहिती जिल्हाधिकारी अशोक काकडे यांनी दिली.
जिल्ह्यातील १३ तहसील कार्यालयांअंतर्गत ६९ मंडळांमध्ये ही शिबिरे घेण्यात येणार असून ७ मार्च ते १५ मे या कालावधीत या शिबिरांचे आयोजन करण्यात येणार आहे.
या शिबिरांमध्ये महसूल अभिलेख दुरुस्ती, सातबारा उताऱ्यातील सुधारणा, विविध प्रमाणपत्रांचे वितरण तसेच सामाजिक व शासकीय योजनांबाबत मार्गदर्शन करण्यात येणार आहे.
तसेच प्रलंबित फेरफार प्रकरणांचा निपटारा, तुकडेबंदी कायद्याशी संबंधित प्रकरणे आणि डिजिटल सेवांचा प्रचार यावरही भर दिला जाणार आहे.
जिल्ह्यात ७ मार्च, १४ मार्च, १० एप्रिल, १७ एप्रिल, ८ मे आणि १५ मे या दिवशी विविध ठिकाणी समाधान शिबिरे आयोजित करण्यात येणार असल्याचे जिल्हाधिकारी काकडे यांनी सांगितले.
या शिबिरांचा लाभ घेण्यासाठी नागरिकांनी संबंधित मंडळ व तहसील स्तरावर उपस्थित राहावे, असे आवाहन प्रशासनाकडून करण्यात आले आहे.
हेही वाचा: सांगलीत पत्नीची छेड काढल्याच्या रागातून मित्राचा खून; संशयितास गोव्यातून अटक.
- शिराळ्यातील बेलदारवाडी जिल्हा परिषद प्राथमिक शाळेत प्रवेशोत्सव उत्साहात; विद्यार्थ्यांना मोफत गणवेश, पुस्तके
- बंगळुरू-मुंबई स्लीपर वंदे भारतवरून नवा वाद; सांगली-बेळगावला डावलले जाणार?
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
