सांगली : जिल्ह्यातील महिलांना त्यांच्या अडचणी थेट प्रशासनासमोर मांडण्यासाठी जिल्हास्तरीय महिला लोकशाही दिनाचे आयोजन सोमवार, दि. 16 फेब्रुवारी 2026 रोजी सकाळी 11 वाजता जिल्हाधिकारी कार्यालय, सांगली येथे करण्यात आले आहे.
महिला व बाल विकास विभागाच्या माहितीनुसार, महिलांच्या वैयक्तिक तक्रारी, शासकीय योजनांबाबतच्या अडचणी, घरगुती हिंसाचार, निवारा, अनुदान, शासकीय लाभ प्रलंबित असणे अशा विविध प्रश्नांवर संबंधित विभागांकडून थेट मार्गदर्शन व कार्यवाहीसाठी हे व्यासपीठ उपलब्ध करून दिले जाते.
महिला लोकशाही दिन म्हणजे काय?
प्रत्येक महिन्याच्या तिसऱ्या सोमवारी जिल्हास्तरीय तर चौथ्या सोमवारी तालुका स्तरावर महिला लोकशाही दिन आयोजित केला जातो. यामध्ये समस्याग्रस्त व पीडित महिलांना प्रशासनासमोर आपले म्हणणे मांडण्याची संधी दिली जाते. संबंधित विभागांचे अधिकारी उपस्थित राहून अर्ज स्वीकारतात व तक्रारींची नोंद घेतात.
कोणत्या तक्रारी स्वीकारल्या जाणार नाहीत?
न्यायालयीन प्रक्रियेत असलेली प्रकरणे, सेवा/नोकरी संदर्भातील बाबी आणि सामूहिक स्वरूपातील तक्रार अर्ज स्वीकारले जाणार नाहीत, अशी सूचना प्रशासनाकडून देण्यात आली आहे.
महिलांनी आपल्या समस्या लेखी अर्जासह मांडाव्यात, असे आवाहन जिल्हा महिला व बाल विकास अधिकारी वर्षा पाटील यांनी केले आहे.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
