मिरज : शहरातील सुमतीनगर परिसरात बंद घर फोडून अज्ञात चोरट्याने सुमारे 5 लाख 57 हजार रुपयांचा मुद्देमाल लंपास केल्याची घटना उघडकीस आली आहे. याप्रकरणी मिरज शहर पोलिस ठाण्यात गुन्हा दाखल करण्यात आला आहे.
याबाबत मिळालेल्या माहितीनुसार, सुमतीनगर येथील रहिवासी दीपक सूर्यकांत शहा हे 22 जानेवारी रोजी दुपारी चार वाजण्याच्या सुमारास घराबाहेर गेले होते. ते 23 जानेवारी रोजी मध्यरात्री एक वाजता घरी परतले असता, घराचे कुलूप तोडलेले आढळून आले.
अज्ञात चोरट्याने बंद घरावर पाळत ठेवून कुलूप तोडत घरात प्रवेश केला. त्यानंतर घरातील लाकडी कपाट उचकटून त्यामधील सोन्या-चांदीचे दागिने चोरून नेले. चोरीस गेलेल्या दागिन्यांची एकूण किंमत सुमारे 5 लाख 57 हजार रुपये असल्याचे सांगण्यात आले आहे.
घटनेची माहिती मिळताच मिरज शहर पोलिसांनी घटनास्थळाची पाहणी केली असून, अज्ञात चोरट्याविरोधात गुन्हा दाखल करण्यात आला आहे. मिरज शहर पोलिसांकडून या प्रकरणाचा पुढील तपास सुरू आहे.
हेही वाचा: सांगली महापालिकेची महापौर-उपमहापौर निवडणूक 10 फेब्रुवारीला; राजकीय हालचालींना वेग.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
