मिरज : शहरात दोन लहान मुलांची पैशासाठी विक्री केल्याचा आणि नवजात बालिकेलाही विकण्याचा प्रयत्न केल्याचा गंभीर प्रकार उघडकीस आला आहे. याप्रकरणी संबंधित महिलेसह पाच जणांविरुद्ध मिरज शहर पोलिस ठाण्यात गुन्हा दाखल करण्यात आला आहे.
पोलिसांच्या माहितीनुसार, सुभाषनगर परिसरात राहणाऱ्या 41 वर्षीय महिलेने आर्थिक अडचणींमुळे आपल्या दोन व तीन वर्षांच्या मुलांना प्रत्येकी सुमारे 20 हजार रुपयांना विकल्याचा आरोप आहे. तसेच पाच दिवसांच्या नवजात बालिकेचीही विक्री करण्याचा प्रयत्न केल्याचे तपासात समोर आले आहे.
या प्रकरणात मध्यस्थी केल्याच्या आरोपावरून उमाजी रमेश लोंढे व सुरेखा लोंढे यांच्यासह मुलांना ताब्यात घेतल्याचा आरोप असलेल्या दशरथ लोंढे आणि सचिन गोसावी यांच्याविरुद्ध गुन्हा दाखल करण्यात आला आहे. संबंधित महिलेचाही गुन्ह्यात समावेश आहे.
पोलिसांनी दोन्ही बालकांना ताब्यात घेऊन मिरजेत पाठक अनाथाश्रमात दाखल करण्यात आले आहे. घटनेचा पुढील तपास मिरज शहर पोलिसांकडून सुरू आहे.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
