नेर्ले येथे भरदिवसा शेतमजुरावर बिबट्याचा हल्ला

Sangli Today Desk
Sangli Today Desk
सांगली टुडे डेस्क ही Sangli Today News Network ची अधिकृत संपादकीय टीम आहे. आमच्या या टीममध्ये पत्रकारिता आणि डिजिटल मीडिया क्षेत्रातील १० वर्षांहून अधिक अनुभव असलेले...
नेर्ले परिसरातील उसाच्या शेतात बिबट्याचा वावर; शेतमजुरावर हल्ल्याची घटना. (प्रातिनिधिक छायाचित्र)

नेर्ले (ता. वाळवा) : उसाच्या फडाला पाणी देत असताना एका शेतमजुरावर भरदिवसा बिबट्याने हल्ला केल्याची घटना मंगळवारी सायंकाळी घडली. बंडा नेमिस्टे (रा. कापूसखेड) हे या हल्ल्यात जखमी झाले आहेत.

माळीमळा परिसरात सुभाष माळी यांच्या शेतात काम करत असताना अचानक वीजपुरवठा खंडित झाला. पाणी बंद करून नेमिस्टे शेतातून जात असताना दबा धरून बसलेल्या बिबट्याने पाठीमागून झेप घेत नेमिस्टे यांच्यावर हल्ला केला.

अचानक झालेल्या हल्ल्यात नेमिस्टे खाली पडले. बिबट्याशी झालेल्या झटापटीत त्यांचा शर्ट फाटला. आरडाओरडा केल्यानंतर बिबट्या उसाच्या फडाच्या दिशेने पसार झाला.

भरदिवसा झालेल्या या प्रकारामुळे परिसरात भीतीचे वातावरण पसरले आहे. मोठ्या प्रमाणावर उसाचे क्षेत्र असल्याने या भागात बिबट्यांचा वावर वाढल्याची चर्चा आहे. वनविभागाने तातडीने उपाययोजना करावी, अशी मागणी स्थानिकांकडून होत आहे.

हेही वाचा: सांगलीत विवाहितेवर लैंगिक अत्याचार; पुण्यातील दोघांविरुद्ध गुन्हा दाखल.

Share This Article
सांगली टुडे डेस्क ही Sangli Today News Network ची अधिकृत संपादकीय टीम आहे. आमच्या या टीममध्ये पत्रकारिता आणि डिजिटल मीडिया क्षेत्रातील १० वर्षांहून अधिक अनुभव असलेले तज्ज्ञ संपादक आणि वार्ताहरांचा समावेश आहे.आम्ही सांगली जिल्ह्यातील राजकीय, प्रशासकीय, सामाजिक आणि सार्वजनिक हिताच्या बातम्यांचे अचूक आणि जबाबदार वार्तांकन करण्यासाठी कटिबद्ध आहोत. प्रत्येक बातमी अधिकृत स्रोत, स्थानिक प्रशासन आणि प्रत्यक्ष घटनास्थळावरील माहितीनुसार Multi-level Fact-Checking प्रक्रियेतून पडताळूनच प्रकाशित केली जाते. सांगली जिल्ह्याला केंद्रस्थानी ठेवून शेती, शिक्षण, आरोग्य, कायदा व सुव्यवस्था आणि नागरिक प्रश्नांवर 'Hyper-local' रिपोर्टिंग करणे हेच आमचे प्रमुख ध्येय आहे.संपर्क आणि पारदर्शकता: संपादकीय कार्यालय: 3B, Midc Kupwad Rd, Vidyanagar, Vishrambag, Sangli, Sangli Miraj Kupwad, Maharashtra 416416. ईमेल: hellosanglitoday@gmail.com
WhatsApp चॅनेल फॉलो करा