सांगली : शासनाच्या सांस्कृतिक कार्य संचालनालय आणि स्वरवसंत ट्रस्ट, सांगली यांच्या संयुक्त विद्यमाने भारतरत्न पंडित भीमसेन जोशी संगीत महोत्सव रविवार, 11 जानेवारी रोजी सांगलीत आयोजित करण्यात आला आहे. दुपारी 3 ते रात्री 10 या वेळेत भावे नाट्यमंदिर येथे हा महोत्सव रंगणार असून, शास्त्रीय संगीत, कथ्थक नृत्य आणि तालवादनाचा सुरेल संगम रसिकांना अनुभवता येणार आहे.
या महोत्सवाची सुरुवात पुणे येथील धनश्री नातू-पोतदार व सहकलाकारांच्या कथ्थक नृत्य सादरीकरणाने होणार आहे. या सादरीकरणासाठी डॉ. आसावरी पाटणकर (पढंत), समीर पुणतांबेकर (तबला), मनोज देसाई (गायन व संवादिनी) आणि गणेश फपाळ (पखवाज) यांची साथ लाभणार आहे.
यानंतर गोवा येथील सुप्रसिद्ध संवादिनी वादक पं. राया कोरगावकर यांना पं. वसंत-नाथबुवा गुरव, ज्येष्ठ संवादिनी वादक पुरस्कार प्रदान करण्यात येणार आहे. पुढील सत्रात बनारस घराण्याचे दिग्गज पद्मभूषण पं. राजन मिश्रा व पं. साजन मिश्रा यांचे शिष्य डॉ. प्रभाकर कश्यप आणि डॉ. दिवाकर कश्यप या बंधूंचे शास्त्रीय गायन होणार आहे. त्यांना पं. रामदास पळसुले (तबला) आणि मिलिंद कुलकर्णी (संवादिनी) यांची साथ असणार आहे.
महोत्सवाची सांगता जागतिक कीर्तीचे तालसम्राट उस्ताद तौफिक कुरेशी यांच्या जेंबे वादनाने होणार आहे. उस्ताद झाकीर हुसेन यांचे बंधू असलेले तौफिक कुरेशी यांनी तालवादन क्षेत्रात स्वतंत्र ओळख निर्माण केली असून, त्यांचे सादरीकरण हा महोत्सवाचा विशेष आकर्षणबिंदू ठरणार आहे.
या कार्यक्रमाचे निवेदन पुणे येथील प्राजक्ता कुलकर्णी आणि सांगलीचे विजय कडणे करणार असून, ध्वनी व्यवस्था राजू सुपेकर यांची आहे. महोत्सवाचे उद्घाटन रविवारी दुपारी 3 वाजता दीपक केळकर महाराज यांच्या हस्ते होणार आहे. या कार्यक्रमासाठी मोफत प्रवेशिका उपलब्ध असल्याची माहिती आयोजकांनी दिली आहे.
हेही वाचा: बेंगळुरू–लोकमान्य टिळक एक्सप्रेसला रेल्वे बोर्डाची मंजुरी; मात्र सेवा अजून सुरू नाही, प्रवाशांमध्ये नाराजी.
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
