Sangli Congress News | सांगली : आगामी सांगली-मिरज-कुपवाड महानगरपालिका निवडणुकीसाठी काँग्रेस पक्षाने तयारीला वेग दिला आहे. पक्षाच्या पश्चिम महाराष्ट्र जिल्हानिहाय आढावा बैठकींचा प्रारंभ झाला असून, सांगली जिल्ह्याची बैठक नुकतीच पार पडली.
या बैठकीत पक्षाची संघटनात्मक बांधणी, आगामी निवडणुकीसाठी आवश्यक उपाययोजना, तसेच रणनीती यावर सविस्तर चर्चा झाली. कार्यकर्त्यांशी संवाद वाढवणे, मतदारांपर्यंत प्रभावी पोहोच साधणे आणि पक्षाची ताकद मजबूत करणे यावर विशेष भर देण्यात आला.
बैठकीस प्रदेशाध्यक्ष हर्षवर्धन सपकाळ, आमदार सतेज पाटील, आमदार विश्वजित कदम, खासदार विशाल पाटील, जिल्हाध्यक्ष विक्रम सावंत यांच्यासह पदाधिकारी व कार्यकर्ते मोठ्या संख्येने उपस्थित होते.
काँग्रेस पक्ष स्थानिक निवडणुकांमध्ये ताकद दाखवण्याची जोरदार तयारी करत असल्याचे या बैठकीतून स्पष्ट झाले आहे.
📍 सांग्लीतील आणखी बातम्या 📍
