सांगली : सांगली–मिरज–कुपवाड महानगरपालिकेच्या 2026 च्या निवडणुकीत मोठा बदल पाहायला मिळाला असून यंदा एकूण 49 नवे चेहरे नगरसेवक म्हणून निवडून आले आहेत. विशेष बाब म्हणजे या नव्या चेहऱ्यांमध्ये 34 महिला नगरसेवकांचा समावेश आहे. त्यामुळे महापालिकेतील महिला प्रतिनिधित्वात लक्षणीय वाढ झाली आहे.
यंदाच्या निवडणुकीत प्रथमच निवडून आलेल्या नगरसेवकांमध्ये भारतीय जनता पार्टीचे सर्वाधिक 26, काँग्रेसचे 12, तर राष्ट्रवादी काँग्रेसचे 8 नगरसेवक आहेत. याशिवाय राष्ट्रवादी काँग्रेस (शरद पवार गट) आणि शिवसेनेचेही काही नवे चेहरे महापालिकेत दाखल झाले आहेत.
महापालिकेच्या एकूण 78 सदस्यांपैकी तब्बल 49 नगरसेवक पहिल्यांदाच निवडून आल्यामुळे यंदाची महापालिका नव्या नेतृत्वासह कार्यरत होणार असल्याचे चित्र आहे. विशेषतः महिलांची संख्या वाढल्याने शहरातील नागरी प्रश्न, सामाजिक विषय आणि स्थानिक विकासकामांमध्ये नव्या दृष्टिकोनाची अपेक्षा व्यक्त केली जात आहे.
नव्या नगरसेवकांमध्ये युवक, महिला तसेच विविध सामाजिक पार्श्वभूमीतील प्रतिनिधींचा समावेश असल्याने आगामी काळात महापालिकेच्या कारभारात बदल होण्याची शक्यता आहे.
हेही वाचा: काँग्रेसकडून एकाच प्रभागातून पती-पत्नी विजयी; दोघांचाही मोठ्या मताधिक्याने विजय.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
