सांगली : सांगली-मिरज-कुपवाड महापालिकेचे पुढील अडीच वर्षांसाठी महापौरपद कुणाकडे जाणार, याबाबत राजकीय वर्तुळात मोठी उत्सुकता होती. ही उत्सुकता आता संपली असून, राज्यातील महापौर पदांच्या आरक्षण सोडतीत सांगली-मिरज-कुपवाड महापालिकेचे महापौरपद खुल्या (सर्वसाधारण) प्रवर्गासाठी निश्चित झाले आहे.
राज्यातील २९ महानगरपालिकांमधील महापौर पदांची आरक्षण सोडत नगरविकास राज्यमंत्री माधुरी मिसाळ यांच्या अध्यक्षतेखाली पार पडली. या सोडतीनुसार पुढील अडीच वर्षांच्या कालावधीसाठी विविध प्रवर्गांतील आरक्षण निश्चित करण्यात आले आहे.
या सोडतीत राज्यातील २९ महापालिकांपैकी १५ महापालिकांमध्ये महिलांसाठी आरक्षण लागू झाले असून, उर्वरित महापालिकांमध्ये अनुसूचित जाती, नागरिकांचा मागास प्रवर्ग तसेच सर्वसाधारण प्रवर्गासाठी महापौरपदे निश्चित करण्यात आली आहेत. सांगली-मिरज-कुपवाड महापालिका ही सर्वसाधारण प्रवर्गात समाविष्ट आहे.
महापौर पदाचे आरक्षण स्पष्ट झाल्यानंतर आता स्थानिक राजकीय पक्षांमध्ये पुढील रणनीती, सत्ता समीकरणे आणि उमेदवार निश्चितीबाबत हालचालींना अधिक वेग येण्याची शक्यता आहे.
हेही वाचा: मिरजेत गुरू तेग बहादुर साहिब यांच्या ३५० व्या शहीदी वर्षानिमित्त विशेष कार्यक्रमाचे आयोजन.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
