सांगली : सांगली आणि मिरज शहरातील ‘डार्क स्पॉट’वर नशा आणि मद्यपान करणाऱ्यांविरोधात पोलिसांनी शनिवारी रात्री संयुक्त कारवाई करत एकूण 75 जणांवर दंडात्मक कारवाई केली. सांगली उपविभागात 25 तर मिरज उपविभागात 50 जणांवर कारवाई करण्यात आली.
गेल्या काही दिवसांत नशेतून मारामारी, खुनासारख्या गंभीर घटनांमध्ये वाढ झाल्याच्या पार्श्वभूमीवर पोलिसांनी विशेष मोहीम हाती घेतली आहे. सांगलीतील लिमये मळा परिसरातील घटनेनंतर नागरिकांनी पोलिस प्रशासनाकडे कठोर कारवाईची मागणी केली होती.
सांगली शहर, विश्रामबाग आणि संजयनगर पोलिस ठाण्यांच्या हद्दीत येणाऱ्या विविध ठिकाणी 25 जणांवर कारवाई करण्यात आली. तर मिरज शहर, महात्मा गांधी चौक आणि कुपवाड एमआयडीसी पोलिस ठाण्यांच्या कार्यक्षेत्रात 50 जणांवर कारवाई झाली.
या कारवाईत पोलिस अधीक्षक संदीप घुगे आणि अप्पर पोलिस अधीक्षक कल्पना बारावकर यांच्या मार्गदर्शनाखाली 100 हून अधिक पोलिस अधिकारी व कर्मचारी सहभागी झाले होते.
सार्वजनिक ठिकाणी नशा किंवा मद्यपान करताना आढळल्यास यापुढेही कठोर कारवाई केली जाईल, असा इशारा पोलिस प्रशासनाने दिला आहे.
हेही वाचा: शिवरायांच्या संदर्भातील वक्तव्यावरून सांगलीत राजकीय तापमान वाढले; काँग्रेस भवनसमोर भाजपचा निषेध.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
