सांगली : काँग्रेस प्रदेशाध्यक्ष हर्षवर्धन सपकाळ यांच्या वक्तव्यावरून सांगलीत राजकीय वातावरण तापले आहे. भारतीय जनता पार्टीच्या सांगली शहर जिल्हा युनिटतर्फे काँग्रेस भवनसमोर आंदोलन करत तीव्र निषेध नोंदवण्यात आला.
आंदोलनादरम्यान कार्यकर्त्यांनी घोषणाबाजी करत सपकाळ यांनी संबंधित वक्तव्य मागे घेऊन माफी मागावी आणि पक्षाने त्यांच्यावर कारवाई करावी, अशी मागणी केली. छत्रपती शिवाजी महाराज यांच्या संदर्भातील विधान अयोग्य असल्याचा आरोप करत भाजप पदाधिकाऱ्यांनी महाराष्ट्राच्या भावनांचा मुद्दा उपस्थित केला.
दरम्यान, 19 फेब्रुवारीला शिवजयंती साजरी होणार असल्याच्या पार्श्वभूमीवर हे वक्तव्य अधिक संवेदनशील ठरत असल्याचे आंदोलनकर्त्यांचे म्हणणे होते.
या वेळी भाजपा शहर जिल्हाध्यक्ष प्रकाश ढंग यांच्यासह पदाधिकारी आणि कार्यकर्ते मोठ्या संख्येने उपस्थित होते.
दरम्यान, सांगलीचे भाजपचे आमदार सुधीर गाडगीळ यांनीही सोशल मीडियावर आंदोलनाला पाठिंबा दर्शवला. “शिवरायांचा अपमान सहन केला जाणार नाही,” असे म्हणत त्यांनी निषेध व्यक्त केला. त्यांच्या प्रतिक्रियेनंतर जिल्ह्यात या प्रकरणाची राजकीय चर्चा अधिक तीव्र झाली आहे.
काँग्रेसकडून अद्याप अधिकृत भूमिका स्पष्ट करण्यात आलेली नाही.
हेही वाचा: 76 लाख टन ऊस गाळपानंतर सांगलीतील साखर हंगाम अखेरच्या टप्प्यात; फेब्रुवारीअखेरीस कारखाने बंद होणार.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
