सांगली : शहरातील सोनार गल्ली परिसरात सोमवारी एका नाल्यात अनोळखी व्यक्तीचा मृतदेह आढळून आल्याची घटना समोर आली आहे. मृतदेह कुजलेल्या अवस्थेत होता. सायंकाळी उशिरापर्यंत मृत व्यक्तीची ओळख पटलेली नव्हती.
नाल्यात मृतदेह आढळताच स्थानिक नागरिकांनी तत्काळ सांगली शहर पोलीस ठाण्याला माहिती दिली. त्यानंतर पोलिसांनी स्पेशल रेस्क्यू फोर्सच्या आपत्कालीन पथकाला पाचारण केले. रेस्क्यू पथकाने नाल्यातून मृतदेह बाहेर काढला.
पोलिसांकडून मिळालेल्या माहितीनुसार, मृत व्यक्तीचे अंदाजे वय ५० ते ६० वर्षांच्या दरम्यान असावे. मृतदेह कुजलेल्या अवस्थेत असल्याने नेमका मृत्यू कधी झाला, याबाबत शवविच्छेदन अहवालानंतरच स्पष्टता येणार आहे.
पंचनामा करून मृतदेह शवविच्छेदनासाठी सांगली सिव्हिल रुग्णालयात पाठवण्यात आला आहे. मृत व्यक्तीची ओळख पटवण्यासाठी पोलीस प्रयत्न करत असून, या प्रकरणाचा पुढील तपास सुरू असल्याची माहिती पोलिसांनी दिली आहे.
हेही वाचा: प्रचार जोमात; मोबाईलवर येणाऱ्या ऑटो कॉल्समुळे नागरिक त्रस्त.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
