सांगली : जिल्ह्यातील भटक्या व मोकाट कुत्र्यांची संख्या नियंत्रणात आणण्यासाठी सर्वोच्च न्यायालयाच्या मार्गदर्शक सूचनांनुसार प्रभावी उपाययोजना राबवाव्यात, तसेच प्राणी जन्म नियंत्रण कार्यक्रमांतर्गत कुत्र्यांची नसबंदी करण्यावर भर द्यावा, असे निर्देश जिल्हाधिकारी अशोक काकडे यांनी दिले.
जिल्हाधिकारी कार्यालयात आयोजित प्राणी जन्म नियंत्रण विषयक आढावा बैठकीत ते बोलत होते. यावेळी जिल्हा पशुसंवर्धन उपायुक्त डॉ. अजयनाथ थोरे, नगरपरिषद प्रशासन शाखेचे सहआयुक्त दत्तात्रय लांघी यांच्यासह जिल्ह्यातील नगरपालिका, नगरपरिषदांचे मुख्याधिकारी, पशुसंवर्धन विभागाचे अधिकारी व महापालिकेचे पशुवैद्यकीय अधिकारी उपस्थित होते.
या बैठकीत संबंधित शासकीय यंत्रणांनी परस्पर समन्वय राखून काम करावे, असे सांगण्यात आले. भटक्या कुत्र्यांमुळे होणाऱ्या अपघात व रेबिजसारख्या आजारांचा धोका लक्षात घेता प्रतिबंधक उपाययोजना प्रभावीपणे राबविण्याच्या सूचना देण्यात आल्या.
जिल्हाधिकारी काकडे यांनी सांगितले की, शासकीय तसेच खासगी रुग्णालयांनी रेबिज प्रतिबंधक लस व इम्युनोग्लोबुलिनचा पुरेसा साठा उपलब्ध ठेवावा. तसेच शाळांमध्ये भटक्या कुत्र्यांमुळे होणारे आजार व त्यावरील प्रतिबंधक उपायांबाबत जनजागृती मोहीम राबवावी.
दरम्यान, पाळीव कुत्रे असलेल्या नागरिकांनी सार्वजनिक ठिकाणी कुत्र्यांना फिरवताना स्वच्छतेची जबाबदारी घ्यावी. असेही जिल्हा प्रशासनाकडून स्पष्ट करण्यात आले.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
