सांगली | प्रतिनिधी : ईश्वरपूर येथील एका मुलीचा जन्मतः खालचा जबडा अडकलेला असल्याने तिला अन्नग्रहण व बोलण्यास अडचणी येत होत्या. या मुलीवर जिल्हा प्रशासनाच्या समन्वयातून वैद्यकीय शस्त्रक्रिया व उपचार करण्यात आले असून, उपचारानंतर तिच्या प्रकृतीत सुधारणा झाल्याची माहिती प्रशासनाकडून देण्यात आली आहे.
जिल्हाधिकारी अशोक काकडे यांच्या संकल्पनेतून राबविण्यात येणाऱ्या घरेलू कामगार आरोग्य तपासणी शिबिराच्या माध्यमातून या मुलीची तपासणी करण्यात आली होती. त्यानंतर आवश्यक वैद्यकीय उपचार व खर्चिक शस्त्रक्रिया करण्यात आली. उपचारानंतर मुलीला अन्नग्रहण करता येऊ लागले असून, बोलण्याच्या प्रक्रियेलाही सुरुवात झाल्याचे सांगण्यात आले.
उपचारानंतर संबंधित मुलीने आपल्या वडिलांसह जिल्हाधिकारी कार्यालयात विभागीय आयुक्त डॉ. चंद्रकांत पुलकुंडवार यांची भेट घेतली. यावेळी त्यांनी झालेल्या उपचारांबद्दल कृतज्ञता व्यक्त केली. विभागीय आयुक्तांनी मुलीची आपुलकीने विचारपूस केली.
या वेळी जिल्हाधिकारी अशोक काकडे, जिल्हा शल्यचिकित्सक डॉ. विक्रमसिंह कदम उपस्थित होते. सदर शस्त्रक्रिया वसंतदादा पाटील दंत रुग्णालय, कवलापूर येथे पार पडली असून, डॉ. श्रीनिवास अष्टेकर, डॉ. सचिन मजती, डॉ. सुरेखा बेडसगावकर व डॉ. अनिरुद्ध पाटील यांच्या वैद्यकीय पथकाने ही शस्त्रक्रिया केली. विभागीय आयुक्तांनी संबंधित वैद्यकीय पथकाच्या कार्याचे कौतुक केले.
हेही वाचा: सांगली जिल्ह्यातील भटक्या कुत्र्यांची संख्या नियंत्रित करण्यासाठी नसबंदी; जिल्हाधिकाऱ्यांचे निर्देश.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
