आटपाडी : आटपाडी नगरपंचायतीच्या प्रथम नगराध्यक्षपदी निवड झाल्याबद्दल यू. टी. जाधव तसेच प्रभाग क्रमांक ७ मधून नगरसेवकपदी निवड झाल्याबद्दल डॉ. जयंत पाटील यांचा सत्कार सोहळा अनुसे मळा, ता. आटपाडी येथे पार पडला. या कार्यक्रमास आमदार गोपीचंद पडळकर प्रमुख उपस्थित होते.
या वेळी आ. गोपीचंद पडळकर यांनी प्रभाग क्रमांक ७ अंतर्गत येणाऱ्या अनुसे मळा आणि कोळेकर मळा येथील ग्रामस्थांचे कौतुक केले. स्थानिक नागरिकांनी दिलेल्या पाठिंब्याबद्दल त्यांनी समाधान व्यक्त केले. कार्यक्रमात बोलताना ते म्हणाले, “आटपाडीच्या विकासासाठी ही विजयाची सुरुवात असून, जनतेच्या विश्वासाला कधीही तडा जाऊ देणार नाही.”
या सत्कार सोहळ्यास नवनिर्वाचित नगरसेवक ऋषिकेश देशमुख, आबासाहेब पाटील, अजित जाधव, राधिकाताई दौंडे यांच्यासह शंकर काळेबाग, रोहित जगताप, विनायक पाटील, मच्छिंद्र कोळेकर, तुकाराम कोळेकर, भारत अनुसे, पोपट कोळेकर, दत्तात्रय कोळेकर आदी उपस्थित होते. कार्यक्रमास अनुसे मळा व कोळेकर मळा परिसरातील नागरिकही मोठ्या संख्येने उपस्थित होते.
कार्यक्रमादरम्यान नवनिर्वाचित पदाधिकाऱ्यांचे अभिनंदन करण्यात आले असून, नगरपंचायतीच्या आगामी कार्यकाळाबाबत उपस्थितांमध्ये चर्चा झाली.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
