सांगली : महापालिका निवडणुकीच्या पार्श्वभूमीवर विनापरवाना मोटारसायकल रॅली काढल्याप्रकरणी राष्ट्रवादी काँग्रेस (अजित पवार गट) पक्षाच्या 15 ते 20 कार्यकर्त्यांविरुद्ध शहर पोलीस ठाण्यात गुन्हा दाखल करण्यात आला आहे. निवडणूक काळात लागू असलेल्या जमावबंदी आदेशाचा भंग केल्या प्रकरणी ही कारवाई करण्यात आली आहे.
महापालिका निवडणुकीसाठी उमेदवारी मागणीच्या अनुषंगाने वसंतदादा मार्केट यार्ड परिसरातील पक्ष कार्यालयात मुलाखती आयोजित करण्यात आल्या होत्या. या मुलाखतीसाठी जाताना एक इच्छुक उमेदवार व त्यांच्या काही समर्थकांनी राजर्षी शाहू महाराज शंभर फुटी रस्त्यावर विनापरवाना घोषणाबाजी करत मोटारसायकल रॅली काढल्याची माहिती पोलिस सूत्रांनी दिली.
निवडणूक प्रक्रियेच्या पार्श्वभूमीवर जिल्हाधिकारी अशोक काकडे यांनी जमावबंदी आदेश लागू केला असून सभा, मिरवणूक किंवा रॅलीसाठी निवडणूक आयोग व पोलिसांची पूर्वपरवानगी घेणे बंधनकारक आहे. मात्र, या आदेशाकडे दुर्लक्ष करत पाकिजा मशीद ते जिल्हा शासकीय रुग्णालय रस्त्यावर रॅली काढण्यात आल्याचा प्रकार घडला आहे.
या प्रकरणी वसीम नायकवडी, बिरेंद्र थोरात, अ‍ॅड. आनंद परांजपे, महमंदअली मुल्ला, वैभव लाटवडे, अबरार मोमीन, सोहेल भंडारी, अंजर फकीर, मुस्तफा नदाफ, आसिफ जमादार यांच्यासह अन्य कार्यकर्त्यांविरुद्ध संबंधित कलमान्वये गुन्हा दाखल करण्यात आला आहे.
हेही वाचा: पहिल्याच दिवशी तब्बल 574 उमेदवारी अर्जांची विक्री; ‘या’ प्रभागांमधून सर्वाधिक प्रतिसाद.
- Maharashtra Weather: ‘अर्णब’ चक्रीवादळाचा महाराष्ट्राला तडाखा; विदर्भासह मध्य महाराष्ट्र, कोकणात विजांच्या कडकडाटासह पावसाचा इशारा, ‘येलो अलर्ट’ जारी
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
