सांगली : पत्नीला माहेरातून परत न पाठवल्याच्या रागातून जावयाने सासूवर लोखंडी कड्याने हल्ला केल्याची धक्कादायक घटना संजयनगर परिसरात घडली. दारूच्या नशेत आलेल्या जावयाने घरासमोर दंगा घालत थेट सासूवरच हल्ला केला.
फिर्यादी सत्यवा बिरु कोकरे (वय ४०) यांच्या म्हणण्यानुसार, मंगळवारी दुपारच्या सुमारास संशयित आरोपी राहुल धुळा कोळेकर (वय २९) हा त्यांच्या घरी आला. दारातूनच ‘मुलीला माझ्यासोबत पाठवा’ अशी आरडा ओरड करत त्याने शिवीगाळ सुरू केली. काही वेळातच त्याने घराच्या दरवाजावर दगडफेक सुरु केली.
दरवाजा उघडून बाहेर येताच त्याने हातातील लोखंडी कडे त्यांच्या डोक्यावर मारले. या हल्ल्यात त्या जखमी झाल्या. घटनेनंतर जावई घटनास्थळावरून पसार झाला.
जखमीवर उपचार करून संजयनगर पोलिस ठाण्यात गुन्हा दाखल करण्यात आला असून संजयनगर पोलिसांकडून पुढील तपास सुरू आहे.
हेही वाचा: सांगली जिल्हा परिषद सत्तेसाठी जोरदार संघर्ष; ‘व्हीप’वरून चंद्रकांत पाटील–जयंत पाटील आमनेसामने.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
