सांगली : सांगली-मिरज-कुपवाड महानगरपालिकेच्या विविध वैधानिक समित्या आणि प्रभाग समित्यांच्या सभापतींची निवड प्रक्रिया शुक्रवारी (१३ मार्च) रोजी पार पडली. या सर्व निवडी बिनविरोध झाल्याची माहिती प्रशासनाकडून देण्यात आली.
महानगरपालिका मुख्यालयातील ‘कै. राजाभाऊ हरिभाऊ जगदाळे’ सभागृहात पीठासीन अधिकारी तथा अतिरिक्त जिल्हाधिकारी सुशांत खांडेकर यांच्या अध्यक्षतेखाली ही निवड प्रक्रिया पार पडली.
स्थायी समितीच्या सभापतीपदी अतुल दत्तात्रय माने यांची बिनविरोध निवड झाली. महिला व बालकल्याण समितीच्या सभापतीपदी बानू मुसा जमादार, तर समाजकल्याण समितीच्या सभापतीपदी गीता सूरज पवार यांची निवड करण्यात आली.
तसेच शहरातील चार प्रभाग समित्यांच्या सभापतीपदीही महिला सदस्यांची बिनविरोध निवड झाली. प्रभाग समिती क्रमांक १ च्या सभापतीपदी अश्विनी नंदकुमार कोळेकर, प्रभाग समिती क्रमांक २ च्या सभापतीपदी वैशाली राजू गवळी, प्रभाग समिती क्रमांक ३ च्या सभापतीपदी माया सुभाष गडदे, तर प्रभाग समिती क्रमांक ४ च्या सभापतीपदी अश्विनी विनोद कोळी यांची निवड जाहीर करण्यात आली.
या निवडींमुळे महानगरपालिकेतील विविध समित्यांची प्रशासकीय प्रक्रिया पूर्ण क्षमतेने सुरू होणार असल्याचे सांगण्यात आले.
हेही वाचा: कडेगाव वांगी हिट अँड रन प्रकरण; जखमी मजुराचा उपचारादरम्यान मृत्यू.
- अपघातात मृत्यू झाल्यास शेतकऱ्यांना 2 लाखांची मदत; ‘गोपीनाथ मुंडे शेतकरी अपघात सुरक्षा सानुग्रह अनुदान योजना’
- सांगलीत गॅसचा काळाबाजार रोखण्यासाठी मोठी कारवाई; ३७ एजन्सींची तपासणी, ३ जणांना अटक
- सांगली-मिरज-कुपवाड महापालिकेत समित्यांचे सभापती बिनविरोध; अतुल माने स्थायी समितीचे सभापती
- कडेगाव वांगी हिट अँड रन प्रकरण; जखमी मजुराचा उपचारादरम्यान मृत्यू
- 1 एप्रिल 2023 नंतर जन्मलेल्या मुलींना मिळणार 1.01 लाख रुपये; संपूर्ण माहिती जाणून घ्या
- 7/12 दुरुस्ती, दाखले, PM-Kisan व इतर सरकारी योजनांचा लाभ एकाच ठिकाणी; बुधगाव येथे 14 मार्चला विशेष शिबिर
