सांगली : सांगली-मिरज-कुपवाड शहर महानगरपालिकेच्या मालमत्ता कर व इतर कर विभागाने थकबाकीदारांविरोधात राबविलेल्या वसुली मोहिमेतून काल दिनांक ०२ फेब्रुवारी रोजी एकाच दिवसात तब्ब्ल ३७.७३ लाख रुपयांची वसुली करण्यात आली. या कारवाईत थकबाकीपोटी तीन मिळकतींवर सिल लावण्यात आल्याची माहिती प्रशासनाकडून देण्यात आली.
प्रभाग समिती क्रमांक १ मध्ये ९.९५ लाख रुपयांची वसुली करण्यात आली असून, एका मिळकतीवर सिल कारवाई करण्यात आली. प्रभाग समिती क्रमांक २ मध्ये १२.८२ लाख, तर प्रभाग समिती क्रमांक ३ मधून ६.०६ लाख रुपयांची वसुली करण्यात आली. प्रभाग समिती क्रमांक ४ अंतर्गत ८.८९ लाख रुपयांची वसुली करण्यात आली असून, येथेही एका मिळकतीवर सिल कारवाई करण्यात आली.
महानगरपालिकेच्या माहितीनुसार, या मोहिमेदरम्यान रोख व चेकद्वारे ३१.२५ लाख रुपयांची वसुली झाली आहे. सिल कारवाई करण्यात आलेल्या मिळकतींची थकबाकी रक्कम ६.४७ लाख रुपये असून, एकूण तीन मिळकतींवर सिल कारवाई करण्यात आली आहे.
थकबाकीदारांनी स्वेच्छेने आपला मालमत्ता कर व इतर कर तत्काळ भरावा, असे आवाहन प्रशासनाकडून करण्यात आले आहे. कर थकबाकी न भरल्यास पुढील काळात कायदेशीर कारवाई अधिक कडकपणे राबविण्यात येईल, असेही महापालिका प्रशासनाने स्पष्ट केले आहे.
हेही वाचा: मातामृत्यू झाल्यास मुलांसाठी सांगली जिल्हा परिषदेची अनुदान योजना; कोण पात्र, कसा मिळतो लाभ?.
- जतचा दुष्काळ लवकरच संपणार? 65 गावांना पाणी, 26,500 हेक्टर सिंचनाचा मार्ग मोकळा
- राज्यात 2000 नवीन ग्रंथालयांना मान्यता; सांगलीतील ग्रंथोत्सवात पालकमंत्र्यांची घोषणा
- आटपाडीत दुकानफोडी; दिघंचीतील इलेक्ट्रिकल दुकान फोडून 70 हजारांचा माल लंपास
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
