सांगली : सांगली-मिरज-कुपवाड महानगरपालिका निवडणुकीच्या पार्श्वभूमीवर भारतीय जनता पक्षाने इच्छुक उमेदवारांची मुलाखत प्रक्रिया पूर्ण केली आहे. पाटीदार भवन येथे सलग दोन दिवस चाललेल्या या प्रक्रियेत भाजपकडून अर्ज केलेल्या तब्बल ५७० इच्छुक उमेदवारांची सखोल चाचपणी करण्यात आली.
मुलाखतीदरम्यान उमेदवारांचा सामाजिक व राजकीय अनुभव, पक्षाशी असलेली बांधिलकी, प्रभागातील कामकाज तसेच शहराच्या विकासाबाबतची त्यांची भूमिका यावर समितीकडून थेट संवाद साधण्यात आला. प्रत्येक उमेदवाराशी स्वतंत्र चर्चा करून भविष्यातील निवडणूक रणनीतीच्या दृष्टीने माहिती घेण्यात आली.
संपूर्ण प्रक्रियेला संघटन मंत्री मकरंद देशपांडे, आमदार सुरेश खाडे, आमदार सुधीर गाडगीळ, प्रदेश उपाध्यक्ष व निवडणूक प्रमुख शेखर इनामदार, माजी आमदार दिनकर पाटील आणि शहर जिल्हाध्यक्ष प्रकाश ढंग यांची उपस्थिती लाभली. वरिष्ठ नेत्यांच्या उपस्थितीत पार पडलेल्या या मुलाखतींमुळे उमेदवार निवडीत काटेकोरपणा ठेवण्यात आल्याचे पक्षाकडून सांगण्यात आले.
याचे नियोजन जिल्हा सरचिटणीस विश्वजीत पाटील, विशाल पवार, धनंजय कुलकर्णी, स्मिता भाटकर यांच्यासह स्थानिक पदाधिकारी आणि कार्यकर्त्यांनी केले होते. दोन दिवस चाललेल्या या प्रक्रियेमुळे भाजपची महापालिका निवडणुकीची तयारी निर्णायक टप्प्यात पोहोचल्याचे चित्र स्पष्ट झाले आहे.
हेही वाचा : Dhurandhar 300 कोटी क्लबमध्ये; सांगलीतील मुक्ता ए-2 सिनेमागृहात प्रेक्षकांची मोठी गर्दी.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
