Sangli News | आटपाडी : दिघंची (ता. आटपाडी) येथे जुन्या वादाच्या रागातून एका तरुणाला मोटारीने धडक देऊन तसेच त्याच्यावर कोयत्याने वार करत खुनाचा प्रयत्न केल्याची धक्कादायक घटना घडली आहे. या प्रकरणी आटपाडी पोलिस ठाण्यात तिघांविरुद्ध खुनाचा प्रयत्न व हत्यार कायद्यान्वये गुन्हा दाखल करण्यात आला आहे.
याबाबत साहिल सलमान खान (वय 22, व्यवसाय – सेंट्रिंग काम, रा. यमाईनगर, दिघंची) यांनी पोलिसांत फिर्याद दिली आहे. पोलिसांकडून मिळालेल्या माहितीनुसार, रविवार दि. 14 डिसेंबर 2025 रोजी रात्री सुमारे 9 वाजण्याच्या सुमारास साहिल खान व त्याचा मित्र प्रवीण अंकुश मोरे हे मोटारसायकलवरून दिघंची एसटी स्टँड परिसरातून घरी जात होते.
दिघंची–झरे रस्त्यावरील एका कार्यालयाजवळ पोहोचताच आरोपी नईम अमिर तांबोळी, प्रथमेश अण्णा चव्हाण आणि प्रशांत मोरे (सर्व रा. दिघंची) यांनी संगनमत करून मोटारीतून येत त्यांच्या दुचाकीला जोराची धडक दिली. धडकेमुळे साहिल खान रस्त्यावर कोसळला.
यानंतर आरोपी मोटारीतून उतरून साहिल याच्या डोक्यावर आणि उजव्या हातावर कोयत्याने वार करत “तुला जिवंत ठेवणार नाही” अशी धमकी दिल्याचे फिर्यादीत नमूद करण्यात आले आहे. या हल्ल्यात साहिल खान गंभीर जखमी झाला असून त्याच्यावर सध्या उपचार सुरू आहेत.
घटनेची माहिती मिळताच आटपाडी पोलिसांनी घटनास्थळी धाव घेतली. आरोपींविरोधात भारतीय दंड संहिता कलमांनुसार खुनाचा प्रयत्न तसेच भारतीय हत्यार अधिनियमान्वये गुन्हा दाखल करण्यात आला असून पुढील तपास सुरू आहे.
हेही वाचा: लग्न लावतो म्हणून पाच लाखांचा गंडा; सुपारी फुटली, नवरी बेपत्ता
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
