Sangli News | मिरज : मिरज–पंढरपूर राष्ट्रीय महामार्गावर चिरमुऱ्याची पोती वाहून नेणाऱ्या टेम्पोला अचानक आग लागून टेम्पो पूर्णपणे जळून खाक झाला. सुदैवाने या घटनेत कोणतीही जीवित हानी झाली नाही. चालकाने प्रसंगावधान राखत वेळेत टेम्पोमधून उडी मारल्याने मोठा अनर्थ टळला.
मिळालेल्या माहितीनुसार, संबंधित टेम्पो इचलकरंजी येथे चिरमुऱ्याची पोती पोहोचवून पंढरपूरच्या दिशेने परतत होता. मिरज–पंढरपूर महामार्गावर असताना टेम्पोच्या इंजिन भागातून अचानक धूर निघू लागला. काही क्षणातच आगीने रौद्र रूप धारण केले.
आग लागल्याचे लक्षात येताच चालकाने तातडीने टेम्पो रस्त्याच्या कडेला थांबवत उडी मारून स्वतःचा जीव वाचवला. मात्र, आगीचा वेग इतका तीव्र होता की टेम्पो काही मिनिटांतच पूर्णपणे जळून खाक झाला.
घटनेची माहिती मिळताच अग्निशमन दलाने घटनास्थळी धाव घेत आग आटोक्यात आणली. या आगीत टेम्पोतील सर्व साहित्य जळून खाक झाले असून मोठे आर्थिक नुकसान झाल्याचा अंदाज व्यक्त केला जात आहे. आग लागण्याचे नेमके कारण अद्याप स्पष्ट झाले नसून, शॉर्ट सर्किटमुळे आग लागली असण्याची शक्यता वर्तवली जात आहे.
या घटनेमुळे काही काळ महामार्गावरील वाहतूक विस्कळीत झाली होती. पोलिसांनी वाहतूक सुरळीत करत पुढील तपास सुरू केला आहे.
हेही वाचा: दिघंचीत जुन्या वादातून तरुणावर जीवघेणा हल्ला; मोटारीने धडक देत कोयत्याने वार.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
